Ndërsa segmenti rrugor Tiranë-Elbasan vazhdon të jetë i bllokuar , nga shembja e një masivi dheu në fashtin Ibë, Autorriteti Rrugor shqiptar pas analizës së një grupi ekspertësh thotë  rreziku është i lartë.  
 
Grupi i ekspertëve ka arritur në përfundimin se zona akoma konsiderohet me potencial shumë të lartë rrëshqitje. Në një njoftim të ARRSH-së theksohet se rruga do të mbetet e bllokuar dhe duke vënë në plan të parë sigurinë e jetës së 30 familjet e banorëve të zonës, ata do të vazhdojnë të jenë të evakuuar.

“Familjet janë të siguruara me vendbanime, për një afat 1 mujor, ku kontraktori ka ofruar pagesën për qiranë e këtyre vendbanimeve”, theksohet në një njoftim të ARRSH-së.

Gjithashtu thekohet se duke filluar nga dita e nesërme, kompania kontraktore do të ndërhyjë për të filluar me ritme të shpejta heqjen e dherave, ndërsa do të ndalohet dhe qarkullimi i këmbësorëve pranë zonës së rrëshqitjes.

ARRSH thotë se po vlerësohet mundësia për ofrimin e një rruge provizore, për të mundësuar qarkullimin e mjeteve dhe këmbësorëve. 



Redaksia Online
(Shqiptarja.com)