POP 5

Lajmet më të lexuara të 5 minutave të fundit

Kronikë

Rrëshqitje dherash në kantierin e ndërtimit Lezhë, Inxhinieri Dedaj: Nuk ka rrezik për banorët (VIDEO)

Banorët e një pallati në Lezhë ndihen të rrezikuar nga punimet për ndërtimin e një objekti të ri, pasi nga moti i keq ka pasur shembje dherash. Nga ana tjetër kompania ndërtuese ka ndërhyrë për forcimin e skarpateve dhe furnizimin me ujë, ndërsa inxhinieri thotë se punimet nuk cenojnë pallatin e vjetër.

Reshjet e shiut janë bërë shkak për shembjen e dherave në themelet e një objekti të ri që po ndërtohet në kuadër të projektit të rindërtimit. Banorët e një pallati 5-katësh në lagjen "Besëlidhja" në Lezhë shprehen të shqetësuar se nga rrëshqitja mund të dëmtohen banesat e tyre.

"Jemi të shqetësuar, kemi qëndruar jashtë. Pallati ynë është i rrezikuar nga punimet që po bëhen këtu pranë", shprehen banorët.

Inxhinieri i firmës zbatuese të projektit Mirdian Dedaj thotë se punimet po kryhen në bazë të studimit gjeologjik dhe problematika shfaqur nga reshjet e shiut nuk përbën rrezik për shembjen e pallatit të vjetër.

"Objekti që po ndërtohet është pjesë e projektit të rindërtimit, blloku "Lezha 1". Nga momenti që është lidhur kontrata me Fondin Shqiptar të Zhvillimit ka filluar rrethimi i objektit dhe është bërë studimi gjeologjik. Gërmimet janë bërë sipas studimit me skarpate në raportin 1 me 2, sipas kushteve teknike të sigurisë", shprehet inxhinieri.

Rrëshqitja e dherave gjatë natës ka sjell dhe dëmtimin e tubacionit të ujit të pijshëm.

"Nga reshjet e shiut, skarpata ka një rrëshqitje të dherave si dhe tubi i furnizimit me ujë të Lezhës që ndodhet jashtë gërmimit. Janë marrë masa nga ujësjellësi i Lezhës që të bëjë furnizimin me ujë të Lezhës, ndërsa ne po punojmë në përforcimin e skarpatës dhe mbrojtjen e saj. Këto punime nuk sjellin asnjë rrezik për banorët", theksoi Dedaj.

Në kantierin e ndërtimit po punohet me ritme të shpejta për pallatet e reja ku do të strehohen 184 familje që mbeten pa strehë nga tërmeti i 26 nëntorit 2019.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Plarent Ndreca mbledh vetëm me anëtarët e PS Komisionin hetimor për kontratat në Shëndetësi! Miraton planin hetimor, rrëzon të opozitës

Plarent Ndreca mbledh vetëm me anëtarët e PS Komisionin hetimor për kontratat në Shëndetësi! Miraton planin hetimor, rrëzon të opozitës

25 Prill, 15:18