Receta

Mini buke misri dhe Shportëza me tërshërë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 28 Shtator 2022, 11:57 | Përditesimi: 28 Shtator 2022, 11:58

Mini bukë misri

Përbërësit:

1 kokërr vezë
100 ml qumësht
3 lgj miell misri
5 lgj miell gruri
1 lç kripë
1 lç fryrës
½ kungull
2 bishta qepësh
½ tufë majdanoz
2 lgj vaj
ullinj
djathë

Përgatitja:

LEXO EDHE:
Pulë me oriz në furrë nga zonja Albana

Fillimisht grijmë imët kungullin dhe qepët e njoma. Miellin e misrit e bashkojmë me miellin e grurit dhe pluhurin pjekës. Bashkojmë dy llojet e miellit me kungullin dhe qepët e grira. Shtojmë qumështin, vezët dhe majdanozin. Rregullojmë shijen me kripë dhe pak piper dhe më pas realizojmë bukë të vogla mbi të cilat mund të vendosim dhe nga një kokërr ulliri. I vendosim të piqen në furrë të parangrohur në temperaturën 180 gradë Celsius derisa sipërfaqja të marrë një ngjyrë të bukur.

Shportëza me tërshërë

Përbërësit:

1 banane
1 kupë tërshërë
1 lç kanellë
½ lç pluhur pjekës

Përgatitja:

Shtypim mirë një banane dhe e vendosim në një tas ku shtojmë tërshërën, kanellën dhe pluhurin pjekës. E trazojmë mirë dhe masën e vendosim në tavë me forma të vogla për mini kekë. Në qendër të çdo mini keku krijojmë një hapësirë ku vendosim fruta të stinës sipas dëshirës. I vendosim të piqen në furrë të parangrohur për pak minuta.