Rreziku i koronavirusit, masat që autoritetet italiane japin për banorët

Zona e Lombardisë në Itali është vendosur në karantinë pas shpërthimit të vatrave të infeksionit me koronavirus në disa pika të qytetit, ku numri i të prekurve ka shkuar në 89 persona. Në lidhje me rrethimin e zonës ku nuk lejohet hyrja dhe dalja e banorëve, Ministria e Shendetësisë italiane kanë shpërndarë një listë masash që duhen ndjekur nga banorët dhe se çfarë duhet të dinë në lidhje me koronavirusin e ri, në mënyrë që të jetë sa më të mbrojtur. Janë 10 pika që autoritetet mjekësore italiane rekomandojnë të kihet kujdes nga banorët si dhe të ruhet gjendja e qetësisë dhe bashkëpunimit me autoritete për të parandaluar sa më shumë përhapjen e koronavirusit.

10 gjërat që duhet të dimë për koronavirusin e ri dhe masat ndaj tij:

1-Lani shpesh duart.

2-Shmangni kontaktet e afërta me personat që kanë sëmundje dhe probleme respiratore.

3-Mos prekni sytë, hundën dhe gojë me duar, mbani duart larg fytyrës.

4-Mbuloni me dorë hundën dhe gojën nëse teshtini apo kolliteni.

5-Mos merrni në farmaci antibiotikë apo antivirale me mendje tuaj, por vetëm nëse janë rekomanduar nga mjeku.

6-Pastroni sipërfaqet me dezinfektues apo solucione me bazë alkooli dhe klori.

7-Përdorin maskat e fytyrës vetëm nëse dyshoni se jeni të sëmurë apo jeni pranë një personi të sëmurë.

8-Produktet MADE IN CHINA dhe pakot e ardhura që andej nuk paraqesin rrezik.

9-Kontaktoni në numrin jeshil 1500 nëse keni temperaturë ose jeni kthyer nga kina në më pak se 14 ditë.

10-Bagëtia dhe kafshët bujqësore nuk e përmbajnë koronavirusin e ri dhe nuk paraqesin rrezik.

Lajmi kryesor:

ÇFARË duhet të dimë rreth koronavirusit (PYETJE-PËRGJIGJE) - RREGULLAT bazike që duhet të nisni të zbatoni

I.K/b.ha./Shqiptarja.com

TAG:
• ministria e shendetesise
• OBSH
• Koronavirus