Inxhinieri që ka kryer ndërhyrjet e fundit në avionin e shefit të grupit Wagner para rrëzimit javën e kaluar është marrë në pyetje në Rusi dhe më pas nuk dihet asgjë për fatin e tij. Ish-kryeministri britanik Boris Johnson beson se presidenti rus mund të jetë autor i ngjarjes, ndërkohë që Putini ka firmosur një dekret ku kërkon që grupi Wagner të betohet për besnikëri ndaj Kremlinit.
Autoritetet ruse morën në pyetje një inxhinier i cili kreu riparime të minutës së fundit në avionin me të cilin besohet se u rrëzua dhe vdiq të mërkurën shefi i grupit Vvagner Yevgeny Prigozhin. Lajmi u publikua nga Gazeta britanike “Metro”.
Sipas saj, në një postim në Telegram të Premten një kanal që ka lidhje me shërbimet e sigurisë, theksoi se Sergey Kitrish, 41 vjeç, kreu riparimet e fundit për të zëvendësuar pajisjet e uljes dhe ftohësin e turbos në avionin e Prigozhin.
"Menjëherë pas shpërthimit, inxhinjeri u mor nën kujdesin e shërbimeve speciale dhe u dërgua në vendin e rrëzimit," shkruaji kanali, duke shtuar se nuk dihet çfarë ka ndodhur më pas me Kitrish–si dhe dy inxhinierët e tjerë, Artur Michenkov dhe Aleksey Anshukov. Kanali pretendon se kompania MNT Aero ka thënë për agjencinë ruse kundër korrupsionit, e cila menaxhon avionin e Prigozhin, se ai kishte kërkuar të kursenin para. Media britanike, shkruan se pas rebelimit ndaj Putinit, Prigozhin kishte marrë masa sigurie shtesë për avionin duke ndryshuar shpesh oraret dhe itineraret e fluturimeve. Pak ditë pas rrëzimit të avionit të Yevgeny Prigozhin, Presidenti rus Vladimir Putin ka lëshuar një dekret në të cilin urdhëron ushtarët e Grupit Wagner të nënshkruajnë betimin për besnikëri ndaj Rusisë.
Dekreti, i publikuar në faqen e Kremlinit, detyron këdo që kryen punë në emër të ushtrisë ose që mbështet atë që Moska e quan "operacioni special ushtarak në Ukrainë”, të betohet zyrtarisht për besnikëri ndaj Rusisë dhe tu bindet komandantëve të saj.
Ky akt, vjen pasi zëdhënësi i Putinit, Dimitri Peskov, i quajti gënjeshtra absolute, pretendimet e Perëndimit se Prigozhin ishte vrarë me urdhër të Putinit. Autoritetet ruse ende nuk kanë konfirmuar zyrtarisht nëse trupi i Prigozhin ishte në mesin e dhjetë viktimave pasi avioni privat u rrëzua gjatë udhëtimit nga Moska në Shën Petersburg.
Megjithëse autoritetet e inteligjencës në Mbretërinë e Bashkuar kanë thënë se besojnë se kjo është "shumë e mundshme". Ish-kryeministri Britanik, Boris Johnson ka thënë se është e mundshme që Putini të fshihet pas vrasjes së Prigozhin.
Dekreti i Putinit pason rebelimin e shkurtër të grupit mercenar të udhëhequr nga Prigozhin kur trupat e tij marshuan drejt Moskës në qershor në shenjë proteste ndaj drejtimit të luftës së Rusisë në Ukrainë. Përplasja përfundoi pasi Prigozhin pranoi të largohej nga Rusia për në Bjellorusi. Presidenti i këtij vendi, Aleksandër Lukashenko tha të premten se ai e kishte paralajmëruar dy herë Prigozhin që të bënte kujdes për jetën e tij. “Associated Press” citon se një vlerësim paraprak i inteligjencës amerikane arriti në përfundimin se avioni ku pretendohet se ndodhej Prigozhin dhe disa njerëz të besuar të tij, u rrëzua nga një shpërthim i qëllimshëm.
Lajme të tjera
-
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
Lufta/ Vladimir Putin: Duhet ta kisha pushtuar Ukrainën më herët
19 Dhjetor, 19:47 -
Lufta në Ukrainë/ Putin: Gati për një ‘duel’ raketor me SHBA-në! Zelensky: Ai është një bastard
19 Dhjetor, 13:20 -
Lufta në Siri/ Kreu i HTS, Abu Mohammed al-Jolani: Do shpërbëhen grupet e armatosura, ‘kontratë sociale’ me fetë! Rusia po largon forcat nga porti Tartus
17 Dhjetor, 09:14 -
Atentat në Moskë, vritet gjenerali Kirillov dhe asistenti i tij! Ishte ngarkuar me ruajtjen e armëve bërthamore! Shpërthimi me 300 gr eksploziv pranë Kremlinit! Kievi pranon autorësinë
17 Dhjetor, 08:31
