Rrëzimi i Byrosë së hetimit, Ligji
i Policisë vonon nisjen e zbatimit 

Rrëzimi i Byrosë së hetimit, Ligji<br />i Policisë vonon nisjen e zbatimit 
TIRANE-Rrëzimi i kapitullit të Byrosë Kombëtare të Hetimit nga Gjykata Kushtetuese, ka bërë që Policia e Shtetit të shtyjë vënien në zbatim të ligjit organik të kësaj të fundit. Nisja e vënies në zbatim dhe efektet e tjera që sjell ligji, ishin parashikuar të hynin në fuqi me 22 prill të këtij viti. 

Në këto rrethana ekspertët dhe juristët e Ministrisë së Brendshme dhe të Policisë së Shtetit, pritet që të përgatisin amendimet e reja dhe më pas t’i përcjellin në qeveri dhe në Kuvend. 
 
Burime të Policisë së Shtetit thanë se drejtuesit e Ministrisë së Brendshme dhe të Policisë së Shtetit, kishin përgatitur edhe strukturën e Byrosë Kombëtare të Hetimit. Madje pak kohë përpara rrëzimit të ligjit në Kushtetuese, ishin përgatitur edhe propozimet e oficerëve më të mirë të Policisë, për t’u bërë pjesë e kësaj strukture.
 
Kjo pritet të bëjë që njerëzit që ishin përgatitur për këtë strukturë, të mos lëvizen nga vendet ku ata kryejnë funksionet e tyre në polici tashmë. Byroja kombëtare e Hetimit, pritej të merrej me procedimet e një kategorie veprash penale që lidheshin kryesisht me luftën kundër drogës dhe trafiqeve dhe krimit të organizuar.

Nisja e vënies në zbatim të Ligjit të ri të Policisë së Shtetit, pritet të kryhet tashmë pa kapitullin që bën fjalë për ngritjen e Byrosë Kombëtare të Hetimit.


Redaksia Online
(g.f/Shqiptarja.com)


 

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

FOTOT/ Oriola Marashi s’lë vend për imagjinatë, ‘çmend’ rrjetin me fotot provokuese në pishinë

FOTOT/ Oriola Marashi s’lë vend për imagjinatë, ‘çmend’ rrjetin me fotot provokuese në pishinë