TIRANE- Gëzim Çelaj, “Baroni i kokainës” i shpallur në kërkim nga Prokuroria e Krimeve të Rënda, nuk do të ekstradohet në drejtim të Italisë. Vendimi është marrë dy ditë më parë nga gjyqtari i Tiranës, Altin Abdiu, i cili vendosi të rrëzojë kërkesën e prokurores Elina Kombi, për ekstradimin e Çelaj në drejtim të Italisë. Ky shtet prej disa vitesh kërkon baronin e drogës Gëzim Çelaj, të dënuar me 11 vite burg për akuzën e drogës dhe shfrytëzimit të prostitutave.