TIRANE-Policia e Shtetit ka zhvilluar një super-operacion për ndëshkimin e drejtuesve të mjeteve që nuk vendosin rripin e sigurimit, të shtrirë në 12 qarqet e vendit, në akset kryesore dhe zonat urbane. Plot 950 gjoba janë vendosur për mosvënie të rripit të sigurimi ndërsa u ngritën 280 pika kontrolli në gjithë vendin. Në këtë operacion blic të policisë u angazhuan rreth 1200 punonjës në total.

Mesditen e sotme në ora 12:00 ka nisur operacionin e koduar “Blici rrugor” për t'u mbyllur në orën 13:30 minuta. Aksioni synoi goditjen e paligjshmërisë, kryesisht atë që lidhet me zbatimin e nenit 170 të Kodit Rrugor, për mos vendosjen e rripit të sigurimit.
Në total në të gjithe vendin u vendosen; 
-1495 masa administrative
-nga këto 950 per mos vendosje te rripit te sigurimit
-si dhe per shkelje te tjera u vendosen 545 masa administrative
 
​Në këtë operacion masiv, Policia e Qarkullimit Rrugor është mbështetur nga Policia e Rendit, FNSH e Shqiponjat.
  
QARKU TIRANË:
350 punonjës policie në 45 pika kontrolli në Tiranë, Kamëz dhe Vorë
 
QARKU DURRËS:
120 punonjës policie në 30 pika kontrolli në Durrës, Shijak dhe Krujë

QARKU LEZHË:
100 punonjës policie në 30 pika kontrolli në Lezhë, Rrëshen, Laç, Shëngjin dhe Milot

QARKU SHKODËR:
80 punonjës policie në 30 pika kontrolli në Shkodër, Malësi të Madhe, Pukë, Koplik dhe Vaun e Dejës

QARKU KUKËS:
50 punonjës policie në 15 pika kontrolli në Kukës, Tropojë dhe Has

QARKU DIBËR:
50 punonjës policie në 15 pika kontrolli në Peshkopi, Burrel dhe Bulqizë

QARKU ELBASAN:
80 punonjës policie në 25 pika kontrolli në Elbasan, Cërrik, Gramsh, Belsh, Peqin, Librazhd dhe Prrenjas

QARKU KORÇË:
80 punonjës policie në 20 pika kontrolli në Korçë, Pogradec, Maliq, Bilisht, Ersekë dhe Leskovik

QARKU FIER:
80 punonjës policie në 22 pika kontrolli në Fier, Lushnjë dhe Ballsh

QARKU GJIROKASTËR:
60 punonjës policie në 16 pika kontrolli në Gjirokastër, Përmet,Tepelenë, Këlcyrë dhe Memaliaj

QARKU BERAT:
60 punonjës policie në 14 pika kontrolli në Berat, Kuçovë

QARKU VLORË:
90 punonjës police në 18 pika kontrolli në Vlorë, Himarë, Delvinë dhe Sarandë

Operacioni i zhvilluar kishte per qellim rritjen e parametrave te sigurise rrugore, ndergjegjesimin e qytetareve per rendesine e vendosjes se rripit te sigurimit por edhe te respektimit te rregullave te qarkullimit rrugor ne teresi.

Policia Rrugore shprehet se, edhe në ditët në vijim do të vijoje me intensitet punën për ndëshkimin e çdo shkelje të Kodit Rrugor, duke u fokusuar më shumë në drejtim të ndëshkimit të drejtuesve të automjeteve që përdorin pije alkoolike, që përdorin celularin dhe nuk respektojnë normën e vendosjes se mjeteve të fiksimit .

kukes
kukes
kukes


(dy.b/d.b/shqiptarja.com)