POP 5

Lajmet më të lexuara të 5 minutave të fundit

Ekonomi

Rriten depozitat/ COVID shton pasurinë e të pasurve, Zef Preçi: Po thellohet pabarazia monetare në popullsi! Rritja e kursimeve tregon se ka probleme

Sipas një raporti të Agjencisë së Sigurimit të Depozitave thuhet se në vitin e kaluar u rrit pasuria e të pasurve, ndërsa u ulën kursimet e shtresës tjetër. Për ekspertin e ekonomisë Zef  Preci ky është një sinjal shqetësues sepse thellon pabarazinë në popullsi.

Depozitat gjatë vitit të kaluar njohën një rritje të vazhdueshme për shkak të pandemisë COVID-19, qytetarët zgjodhën të kursenin sepse ndjeheshin të pasigurt për të ardhmen, por sipas raportit të Agjencisë së Sigurimit të Depozitave në vitin e kaluar të pasurit u bënë më të pasur ndërsa të varfrit dhe shtresa e mesme zgjodhën të shpenzonin kursimet e tyre për shkak edhe të papunësisë që u diktua nga pandemia në muajit e karantinës.

Totali i depozitave në fund të 2020 arriti në 10,489 miliardë euro, dhe gjysma e tyre zotërohet nga 101 mijë individë të cilët kanë në llogaritë e tyre mbi 2.5 milionë lekë. ndërsa në vitin 2019 ishin rreth 96 mijë qytetar që kishin në llogaritë e tyre vlerën mbi 2.5 milionë. Nga ana tjetër janë mbi 930 mijë kanë në llogaritë e tyre vlera më vogla se 100 lekë.

Eksperti i ekonomisë Zef Preçi thotë për Report TV se kjo situatë është shqetësuese pasi flet për thellim të pabarazisë. Por nga ana tjetër rritja e depozitave është edhe tregues që ekonomia nuk po ecën siç duhet.

“Rritja e depozitave është tregues shqetësues për politik-bërësit pasi është tregues që ekonomia nuk po reagon siç duhet. Pra nëse pasuria nuk qarkullon kuptohet që ekonomia nuk është ku duhet të jetë. Thellimi i polarizimit në shoqërinë e sotme i ndikuar nga pandemia por edhe nga politikat publike që janë ndjekur, shpreh edhe një aspekt tjetër. Sot nuk gjen asnjë lekë në sektorin privat e publik për të trajnuar dhe ritrajtuar punonjësit për tregun e punës, ç’ka e ka shtyrë këtë kategori të konsumojnë kursimet e tyre”, shprehet eksperti i ekonomisë Zef Preçi.

Kursimi në depozita nuk sjell përfitime sipas Preçit pasi normat e interesit janë të ulta, ndërkohë që propozon fushat ku duhet përqendruar investimi në normalitetin e ri.

“Duhet të punohet në shfrytëzimet për potencialin që ka vendi si dhe të nxitësh aftësitë konkurruese dhe krahasuese të ekonomisë sonë kombëtare, duke përfshirë kualifikimin e fuqisë punëtore, rritjen e pagës, rritjen e produktivitetit të punës”, tha Preçi.

 

Në vitin e kaluar depozitat në sistemin bankar u rritën me 7.8%, dhe me 6% në Shoqëritë e Kursim- Kreditit, dhe totali arriti në 10,489 miliardë euro nga 9,727 miliardë euro që ishte totali në 2019.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eksperti leshit: 15/04/2021 21:16

    Ka eshte tashme fenomen boteror. Te pasurit u pasuruan me shume, fukarenjte u groposen edhe me shume. Ca fitojne e ca humbasin me kete lloj situate. Zakonisht humbesit jane njerezit e thjeshte

    Përgjigju
  • Ekonomisti: 15/04/2021 21:15

    Po shoku Zef!! Nuk ka si ndodh ndryshe! Jemi ne kapitalizem!! Je bere si puna e atij gomarit qe thoshte ishalla jam ne enderr!!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu