Viti 2024 ka nisur me rritje të nivelit të kredive me probleme krahasuar me fundin e vitit 2023. Banka e Shqipërisë raporton se në janar kreditë që nuk po paguhen arritën në 4.8% nga 4.7% që ishin në fund të vitit 2023. Niveli i huave me probleme deri në fund të muajit janar përllogaritet në vlerën 34,8 miliardë lekë.
Këto luhatje të nivelit të kredive me probleme për bankën e Shqipërisë janë të pritshme për shkak të inflacionit të lartë dhe të normave të interesit që janë rritur.
“Kushtet e shtrënguara financiare janë përcjellë në ngadalësimin e kërkesës agregate dhe konsensusi i tregjeve sugjeron se normat e interesit janë në maksimumet e veta në këtë cikël normalizimi. Rritja e normës bazë të interesit në muajin nëntor ka pasur një pasqyrim më të shpejtë në çmimin e kredisë për individë dhe më të ngadaltë në çmimin e kredisë për biznese. Rritja e interesave ka qenë e dukshme në kreditë për individë, ndërkohë që rritje e interesave të kredive për bizneset është vërejtur vetëm në segmentin e kredive me madhësi mesatare ”, thotë Banka e Shqipërisë në raportin e politikës monetare për tremujorin e parë të vitit 2024.
Në fund të vitit të kaluar interesi për kreditë e reja në lekë u rritën në 6.5%, kryesisht në segmentin e kredive nga 35 deri në 140 milionë lekë. Ndërsa interesi për kredinë konsumatore në fund të vitit 2023 ishte 9.8% nga 9.3% që ishte në tremujorin e tretë, dhe po ashtu u rritën interesat edhe për kreditë hipotekore nga 4.1% në 4.4% në muajin dhjetor.
Rritja e kostove të kredisë, pra shtrenjtimi i këstit si pasojë e normës së rritur të interesit, dhe nga ana tjetër shtrenjtimi i vazhdueshëm i ushqimeve, po ndikon negativisht në xhepat e qytetarëve, të cilëve u është cenuar aftësia paguese.
Cilësia e kredisë mund të ulet edhe në muajit e ardhshëm duke marrë në konsideratë pasiguritë për të ardhmen, sa i takon inflacionit dhe tensioneve gjeo-politike.
Lajme të tjera
-
Transfertat në SEPA, data më e afërt për bankat shqiptare është 5 tetori 2025
20 Dhjetor, 10:58 -
BSH mbyll 2024 me normën bazë interesi 2.75%! Sejko: Kemi blerë euro për të stabilizuar kursin e këmbimit! Ka rritje punësimi
18 Dhjetor, 16:42
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
SHBA-të transferojnë kredinë prej 20 miliardë dollarë për Ukrainën
11 Dhjetor, 10:11 -
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
-
Informaliteti, 7.4 mld lekë më shumë jashtë bankave më 2024! Qeveria plan për kufizimin e pagesave cash për qytetarët
1 Dhjetor, 16:45
