POP 5

Lajmet më të lexuara të 5 minutave të fundit

Kronikë

Rriten rastet e peshkimit të paligjshëm/ Laci: Shkak, mungesa e inspektorëve (VIDEO)

Peshkimi i jashtëligjshëm vijon të mbetet një shqetësim serioz në vend, i cili nuk po mposhtet pavarësisht rregullimeve që ka pësuar kuadri ligjor. Vetëm vitin e kaluar janë gjobitur 76 subjekte për peshkim të jashtëligjshëm, nga 1540 inspektime të kryera.

TIRANE- Peshkimi i jashtëligjshëm vijon të mbetet një shqetësim serioz në vend, i cili nuk po mposhtet pavarësisht rregullimeve që ka pësuar kuadri ligjor. Vetëm vitin e kaluar janë gjobitur 76 subjekte për peshkim të jashtëligjshëm, nga 1540 inspektime të kryera. Por Ministria e Bujqësisë dhe Zhvillimit Rural përgjegjëse për peshkimin ka në organikë të inspektoratit të peshkimit vetëm 22 inspektorë deti në total. Anëtari i Grupit “Mbrojtësit e Detit” Blend Laci thotë për REPORT TV se problem është mungesa e sistemit të gjurmimit nëpër varkat e peshkimit.

Mungesa e sistemit të gjurmimit nëpër anijet e peshkimit, i ka lënë dorë të lirë shkeljes së ligjit. Nga ana tjetër ka qenë fakti që nuk shumë raste policia kufitare dhe roja bregdetare nuk i japin mbështetje inspektoratit të peshkimit. Kemi parasysh që 22 inspektor janë për gjithë Shqipërinë, është gati e pamundur për ato që të jenë në kohë reale në çdo shkelje”, tha Laci.

Sipas informacioneve, secili inspektor duhet të monitorojë minimalisht 70 km vijë bregdetare. Një hapësirë thuajse e pamundur të monitorohet nga 1 inspektor ndërkohë që rrjetat fundore vijojnë të jenë prezentë në det, apo edhe varkat e vogla që përdoren nga peshkatarët për të peshkuar. Ndërkohë Laci thotë se duhet formalizim total i këtij sektori.

“Duhet të formalizohet sektori i peshkimit pasi një pjesë e mirë e varkave të vogla të peshkimit artizanal janë të paregjistruara, të palicencuara , do të thotë ushtrojnë aktivitet të paligjshëm dhe në këtë moment bëhet shumë e vështirë ti kontrollohen dhe të organizosh punën më tutje”, u shpreh ai.

Por nga ana tjetër shqetësim mbetet vjelja e midhjes “hurmë” apo e njohur si dateri. Edhe pse ligji në nenin 37 liston të gjitha llojet e organizmave ujorë që nuk lejohet të peshkohen mes tyre edhe dateri, shumica e restoranteve e kanë pjesë të menyve të tyre.

“Konstatimi më i shpejtë dhe i saktë vërehet nëpër restorantet luksoze të Tiranës por dhe qytetet e tjera ku haptazi të shërbehet dateri”, thekson Laci.

Pak ditë më parë Kontrolli i Lartë i Shtetit ka dhënë alarmin për sektorin e peshkimit pas një auditimi të bërë për vitin 2019. Sipas auditimit Ministria e Bujqësisë dhe zhvillimit rural e ka jashtë kontrollit këtë sektor ku peshkimi i paligjshëm ushtron aktivitetin e tij jashtë çdo lloj monitorimi dhe se midhjet që hidhen në treg janë të pakontrolluara.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kreshnik Spahiu: Kërkojnë qeveri teknike apo bashki teknike?

Kreshnik Spahiu: Kërkojnë qeveri teknike apo bashki teknike?

23 Dhjetor, 19:39 nga Kreshnik Spahiu