POP 5

Lajmet më të lexuara të 5 minutave të fundit

Shëndeti

Bota

Rriten rastet e reja Covid, Greqia dhe Spanja vendosin kufizime të reja

Për shkak të rasteve të reja të koronavirusit të importuara nga vendet fqinje të Ballkanit, Athina ka parashikuar mundësinë e rivendosjes së kufizimeve të reja duke filluar nga dita e parë e javës që vjen

Rriten rastet e reja Covid, Greqia dhe Spanja vendosin kufizime të reja

Ministri italian i Shëndetësisë, Roberto Speranza, ka nënshkruar një urdhëresë, e cila parashikon ndalimin e hyrjes dhe tranzitit në Itali për ata që në katërmbëdhjetë ditët e mëparshme kanë qëndruar ose ata kanë kaluar nëpër disa vende me situatë pandemike të rënduar.

Në listën e 13 vendeve janë edhe dy vende ballkanike, Bosnje Hercegovina dhe Maqedonia e Veriut, por jo Shqipëria.

Gjithashtu për të garantuar mbrojtjen shëndetësore, fluturimet direkte dhe indirekte nga këto vende gjithashtu janë pezulluar.

Speranza u shpreh se pandemia tani është në fazën e saj më akute dhe ‘Ne-tha ai- nuk mund të çojmë dëm sakrificat e bëra nga populli Italian gjatë këtyre muajve”

Në datën 1 korrik, Komisioni Europian miratoi një listë të shteteve që do mund të udhëtojnë drejt Europës, pjesë e së cilës nuk është Shqipëria. Në këtë listë, nga vendet e Ballkanit është Mali i Zi dhe Serbia. Megjithatë, saktësohet se në varësi të ecurisë së pandemisë, lista do të rishikohet pas dy javësh, më 15 korrik. 

Në Greqi, qeveria ka urdhëruar njerëzit të mos i injorojnë udhëzimet e sigurisë, siç edhe ka ndodhur shpesh. Për shkak të rasteve të reja të koronavirusit të importuara nga vendet fqinje të Ballkanit, Athina ka parashikuar mundësinë e rivendosjes së kufizimeve të reja duke filluar nga dita e parë e javës që vjen.

Ndërkohë, në Spanjë numri i infeksioneve të përditshme është dyfishuar në 24 orë, për shkak të dhjetëra shpërthimeve të vogla pandemike.
Autoritetet e Ishujve Balearik kanë planifikuar detyrimin për mbajtjen e maskave në vendet publike pasi u identifikuan tre vatra infeksioni ne Mallorca.
Më parë, pesë shpërthime të tjera janë raportuar në të njëjtin ishull dhe një tjetër në Ibiza.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu