Rriten të prekurit me COVID në Berat, 5 anëtarë të një familje pozitiv, mes tyre një fëmijë! 2 raste dhe në Krujë

7 raste të reja janë konfirmuar deri tani me COVID-19, 5 prej tyre në Berat, pjesëtar të një familje dhe 2 në Krujë.

5 raste të reja janë konfirmuar në Berat me COVID-19, anëtarë të një familje. Sipas burimeve të Report Tv, të prekur rezultojnë familjarët e një punonjëse të Bashkisë Berat, mes të cilëve janë babai, mamaja, motra, vëllai dhe vajza e saj 2 vjeç.  Berati vijon ende të mbetet një zonë e gjelbër edhe pse rastet dy ditët e fundit janë rritur ndjeshëm.

Dyshohet se virusi ka ardhur nga mamaja, e cila punonte infermiere në Spitalin e Beratit. Për shkak të punës së saj në Spitalin e Beratit, u është bërë tamponi edhe  54 punonjësve të bluzave të bardha dhe 5 tampone u janë bërë punonjësve të bashkisë, raste kontakti të familjarëve të prekur me COVID-19.

Gjithashtu edhe në Krujë janë konfirmuar dy raste të reja me COVID-19, që janë raste kontakti të të prekurve të ditës së djeshme.

Foto sot nga Njësia Vendore e Kujdesit Shëndetësor në Berat
 

Lajmi kryesor:

Vijon në rritje kurba e COVID-19, 18 raste të reja në 24 orët e fundit! MSH: Nëse vijojmë më këto ritme e mbyllim sërish vendin (VIDEO)

TAG:
• krujë
• Berat
• Koronavirus
• koronavirusi ne shqiperi