Bisolvon, ilaç i cili përdoret për të trajtuar gjendjet si një ftohje e zakonshme, infeksione të rrugëve të frymëmarrjes ose grip që shoqërohen me prodhim të shtuar të sekrecioneve po tregtohet me çmime të ndryshme në farmaci të ndryshme. Në disa raste ilaçi që ndihmon në pastrimin e rrugëve të frymëmarrjes po shitet edhe me diferenca të mëdha në çmim, deri në trefish.
Ky ilaç me nga 20 tableta, siç shihet edhe në këto fotove, kutia e parë kushton 286 lekë të reja, ndërsa në kutinë e dytë çmimi trefishohet duke arritur shifrën 713 lekë të reja.
Report Tv u interesua edhe pranë disa farmacive për çmimin e këtij medikamenti, dhe ata pohojnë se aktualisht ky ilaç është 713 lekë të reja, diferencë mjaft e madhe me atë që shitej më parë.
Ndërsa Urdhri i farmacistëve në vend, thotë se çdo vit për ilaçet deklarohen çmime të reja nga Agjencia Kombëtare e Barnave dhe Pajisjeve Mjekësore, e cila vendos edhe pullat me çmimet përkatëse.
Urdhri i farmacistit thotë se diferenca e çmimeve nga një farmaci në tjetrën mund të ketë lidhje me stokun e ilaçeve. Të njëjtin sqarim dha edhe Agjencia Kombëtare e Barnave e cila nënvizon se Bisolvon ka pësuar rritje të çmimit nga viti 2022. Pra, farmacia që e ka më lirë çmimin, 286 lekë, mundet që ta ketë pasur gjendje ilaçin dhe farmacia tjetër e ka marr rishtazi dhe me çmim të ri më të rritur Bisolvon.
Agjencia Kombëtare e Barnave ka bërë një reagim sqarues mbi çmimin e ilaçit Bisolvon i cili përdoret për të trajtuar gjendjet si një ftohje e zakonshme. Në reagim thuhet se Bisolvon ka pësuar rritje të çmimit nga viti 2022, i cili ka qenë 1.7 euro/njësi. Çmimi i importit të ilaçit për vitin 2023 i miratuar nga Komisioni i Çmimeve të Barnave (KÇB) siç njofton Agjencia e Barnave është 4.4 euro/njësi.
“Bari me serine 2398, datë prodhimi 02/22 dhe skadence 01/25, ka patur disa importe gjatë vitit 2022-2023”, thuhet ndër të tjera në sqarim.
Ndërkaq theksohet se diferenca në çmim e të njëjtit ilaç në farmaci të ndryshme lidhet me stokun që kanë subjektet farmaceutike.
Njoftimi i plotë:
Në bazë të kërkesës suaj te dërguar ne rrugë elektronike, për sa i përket çmimit te barit te pajisur me Autorizim Tregtimi “BISOLVON 8mg – tablet, Box x 20” ju bëjmë me dije se: Bazuar ne ligjin nr. 105/2014 “ Për Barnat dhe Shërbimin Farmaceutik” neni 3, pika 23 ku citohet se: “Çmim CIF i importit” është çmimi (“Cost, Insurance, Freight”- kosto, sigurim, shpenzim transporti), i përcaktuar për barin nga prodhuesi ose mbajtësi i autorizimit për tregtim deri në pikën doganore hyrëse në Republikën e Shqipërisë.”, neni 37 pika 1 i cili citon “Çmimi i barnave në treg është i kontrolluar dhe bazohet mbi çmimet CIF të importit, të deklaruara nga kompanitë mbajtëse të autorizimit të tregtimit dhe mbi bazën e çmimeve të prodhimit për barnat e prodhuara në vend, të deklaruara nga prodhuesi vendas”, Agjencia e Barnave dhe Pajisjeve Mjekësore lëshon Autorizimet e Importit kundrejt kërkesës së subjekteve të autorizuar për import, në përputhje me çmimin e importit (CIF) të miratuar nga Komisioni i Çmimeve të Barnave (KÇB) në Ministrinë e Shëndetësisë dhe Mbrojtjes Sociale në zbatim te VKM-se nr. 645, date 01.10.20214.
Ju bëjmë me dije se bari“BISOLVON 8mg – tablet, Box x 20” ka pësuar rritje të çmimit CIF nga viti 2022, i cili ka qenë 1.7 euro/njësi. Çmimi i importit te barit ( CIF) për vitin 2023 i miratuar nga Komisioni i Çmimeve të Barnave (KÇB) është 4.4 euro/njësi. Bari me serine 2398, datë prodhimi 02/22 dhe skadence 01/25, ka patur disa importe gjatë vitit 2022-2023. Diferenca në çmim e të njëjtit bar, e konstatuar nga ana juaj, lidhet me gjendjen (stokun) e barnave që kanë subjektet farmaceutike të rrjetit të hapur.
Lajme të tjera
-
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15 -
Ministrja Koçiu: 80 mijë pushues morën shërbim në qendrat shëndetësore verore
16 Tetor, 14:47 -
Hyn në fuqi udhëzimi për dypunësimin e mjekëve, mjeku mbetet në dorën e titullarit publik pas kërkesës që dërgon
20 Shtator, 12:12 -
Procesi i Deinstitucionalizimit, Koçiu: Nismë kombëtare për një të ardhme më të mirë për fëmijët në nevojë
13 Shtator, 17:18 -
Debati për 'Urdhrin e Mjekut'/ Ministrja Koçiu: Nuk po i merren kompetencat dhe as po i preket pavarësia! Po ngrihen Komisione Kolegjiale dhe transparente
10 Shtator, 15:24 -
Skolioza, Koçiu: Program në shkolla për depistimin e hershëm te fëmijët 6-10 vjeç
4 Shtator, 13:31 -
Realizohet me sukses bajpasi aorto-koronar në QSUT tek një pacient 73-vjeçar
30 Gusht, 10:10 -
Mbi 1 vit jashtë funksionit, vihet në punë pajisja e re e Ortovoltazhit! Marrin trajtim 400 pacientë me tumore të lëkurës
16 Gusht, 12:59 -
Ministrja Koçiu inspekton vijën bregdetare të Golemit për kushtet higjieno-sanitare: Nga 1 qershori deri më 9 gusht, 2,961 kontrolle
13 Gusht, 16:10 -
Ministrja Koçiu: Rritëm me 4-fish buxhetin për trajtimin e sëmundjeve tumorale, akseleratorët e rinj shkurtuan listën e pritjes nga 3 muaj në dy javë
17 Korrik, 14:25 -
Koçiu në konferencën për Autonominë spitalore: Standarde evropiane në shërbim të qytetarëve dhe rritje e të ardhurave për mjekët, të panegociueshme integriteti dhe transparenca
16 Korrik, 14:26 -
Skandali i Onkologjikut/ Sërish protestë para Ministrisë Shëndetësisë, kërkohet dorëheqja e Koçiut
8 Korrik, 20:22
