Rritet numri i infektimeve nga COVID-19 në Greqi/ 941 raste të reja dhe 22 viktima në 24 orët e fundit

GREQI- Në Greqi gjatë 24 orët e fundit kanë rezultuar pozitiv me koronavirus 941 persona dhe janë regjistruar 22 viktima.

Në raport me ditën e djeshme numri i infektimeve është rritur ndjeshëm pasi dje janë raportuar 716 raste me COVID-19. Shifrat e infektimeve kohët e fundit është vetëm duke u rritur, gjë që është tepër shqetësuese.

Ndërkohë, gjatë 24 orët e fundit 260 persona kanë arritur të dalin fitimtar në betejën e tyre me COVID-19 dhe janë shëruar.

Aktualisht numri total i infektimeve nga virusi ka shkuar 155,678, ndërkohë që ai i viktimave është 5742 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Vaksinimi në Greqi ka nisur më datë 27 dhjetor, si në shumicën e vendeve evropiane me Pfizer.

Pasi Agjencia Evropiane e Barnave ka aprovuar përdorimin e vaksinës anti-COVID, Moderna në Greqi më datë 13 janar kanë mbërritur 8 mijë doza të kësaj vaksine dhe pritet të vijnë të tjera

Alarmi është ngritur në vend edhe për shkak të shtimit të rasteve me variantin e ri britanik të COVID-19.

J.GJ./Shqiptarja.com

TAG:
• greqia
• Koronavirus
• Viktimat Covid