Kriza e çmimeve kulmoi në dhjetor të vitit të kaluar, kur u regjistruar shifra më e lartë e inflacionit në dekadën e fundit. Sipas të dhënave të INSTAT një ditë më parë, inflacioni gjatë muajit të kaluar kapërceu pritshmëritë e Bankës së Shqipërisë duke arritur në 3.7%, ndërsa po dje, Ministrja e Ekonomisë Delina Ibrahimaj paralajmëroi se kjo rritje çmimesh do të vijojë edhe gjatë 6 muajve të parë të këtij viti.
I ftuar në "Sot Live në Shqipëri" në Report Tv, Kryetari i Shoqatës së Eksportuesve, Alban Zusi, tha se faktorët ndërkombëtarë ndikuan më së shumti për këtë rritje çmimesh, por po ashtu vuri edhe theksin te faktorët e brendshëm duke përmendur 'veprimet dhe mosveprimet'. Sipas Zusit veprim që ndikoi ishte paketa fiskale, që dha efekt paraprakisht. Ai shtoi po ashtu se edhe pse rritja ishte konjekturë ndërkombëtare, shteti nuk duhet të ndjekë këtë trend, por duhej të mos rriste taksat. Zusi theksoi se ka nevojë për ndërhyrje
"Ishte rritje e paralajmëruar. Ndikuan edhe faktorët ndërkombëtarë dhe ne me disa masa të pamenduara. Faktorë të brendshëm janë veprimet dhe mosveprimet. Veprime janë paketa fiskale që e dha efektin paraprakisht sepse kur ti e di që në janar do kesh shtrenjtim të çmimit të gazit, do kesh pagën minimale me efekte fiskale më të larta etj., përgatitja e tregut fillon që më parë. Është rritje e madhe çmimesh, ndikimin kryesor e kanë faktorët ndërkombëtar. Rritja e çmimit ishte konjekturë ndërkombëtare, pro taksat që merr shteti nuk duhet të ndjekin këtë. Taksat mbaji në të njëjtin nivel. Kjo do krijonte amortizim të këtyre kostove. Edhe për karburantin mos ndiq rritjen kur sheh që je në situatën kur të gjitha çmimet po rriten, mund të merrej vendimi që do marrim pjesën e planifikuar, jo u rri çmimi të rrisim dhe ne taksat. Ka nevojë për ndërhyrje ", tha ai.
Zusi sqaroi po ashtu se rënia drastike e euros po dëmton prodhimin vendas, pasi fermerët dhe prodhuesit të cilët janë të detyruar të ulin çmimet e produkteve të tyre për të konkurruar me produktet e importit. Ai theksoi nevojën për ndërhyrje nga Banka e Shqipërisë pasi mund të futemi në politika të pastabilizuara.
"Prodhimin vendas po e dëmton rëndë edhe rënia drastike e euros. Po dëmton fermerët dhe prodhuesit të cilët për të konkurruar me produktet e importit janë të detyruar të ulin çmimet. Industria vedase duhet të ulë çmimin ndaj lëndëve të para. Banka e Shqipërisë duhet të ndëryjë pasi mund të futemi në politika të pastabilizuara. Qytetarët për shkak të rritjes së inflacionit, do kërkojnë rritje pagash, por nëse kjo shoqërohet me rritje çmimesh, kemi rritje inflacioni. Ndodh historia e destabilizimit ekonomik të vendit", tha Zusi.
Sipas Kryetarit të Shoqatës së Eksportuesve zgjidhja është ngritja e një ekipi pune, ku ekspertët të diskutojnë për ndërhyrjet që mund të bëhen, dhe ndërhyrja fiskale.
"Unë kam insistuar në ekipe pune, kjo nuk zgjidhet nga zyrtarët. Kjo bëhet duke ngritur ekip pune ku bizneset dërgojnë ekspertët për të parë ndërhyrjet që duhet të bëhen. E shpejta që jep impakt të menjëhershëm është ndërhyrja fiskale, ne nuk mund të ndërhymë në çmimet e produketeve ndërkombëtare, por mund t'ja ulim koston e konsumit të energjisë bizneseve duke bërë politikë tjetër psh kush investon në panele diellore, 70% financim nga shteti. Duhet t'i japim instrumente në dorë bizneseve. Kjo do ulte koston e energjisë elektrike. Duke qenë se kemi rritje të lartë të gazit mund të kalohet nga proceset që kryen me gaz te ato që kryhen me biomasë. Gazi dhe energjia elektrike zënë 15-20% të kostos së bizneseve. Duhet ët ketë një treg të lirë të rregulluar. Vendosen politika fiskale ekstra në momentin që dikush aplikon një mazh fitimi mbi një marzh të rregulluar. Siç taksojmë pagat e punonjësve në mënyrë progresive", theksoi Zusi.
Lajme të tjera
-
Inflacioni ra në 1.9% në shtator, niveli më i ulët prej 2021! Por ushqimet vetëm shtrenjtohen
8 Tetor, 19:38
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
S’ulet norma bazë e interesit! Rritja e pagave për të mbajtur stafin në rrezik për inflacionin, Sejko për mikrokreditë: Kemi zbatuar ligjin
7 Gusht, 17:04
-
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24 -
Drafti i ri/ Rezerva materiale shtetërore do të aktivizohet edhe në kriza inflacioni, dhe jo vetëm në kohë luftë apo emergjence civile
19 Qershor, 12:45
-
Ndalon rënia! Inflacioni rritet për herë të parë këtë vit, shtrenjtohen ushqimet, qiratë dhe energjia elektrike
10 Qershor, 14:57
-
Inflacioni i qëndrueshëm, por më i ulët se në vendet e BE! Shtrenjtohet argëtimi e shërbimi arsimor
17 Maj, 16:27
-
Bie inflacioni në 2.1%, niveli më i ulët nga 2021, por ushqimet vetëm shtrenjtohen
8 Maj, 15:24
-
Niveli më i ulët prej vitit 2021, inflacioni zbret në 2.3 %! INSTAT: Mallrat po shtrenjtohen, përveç karburantit
8 Prill, 16:51
-
Inflacioni po ulet prej rënies së çmimeve në tregjet e huaja! Sejko: Situata ekonomike pozitive! Është herët për të ulur normën bazë të interesit
20 Mars, 18:12
-
Shkëmbimi tregtar me Kosovën, Çoçoli: Rritje prej 28%, potencial për ta dyfishuar! Zusi: Duhet të kemi më shumë shkëmbim të produkteve bujqësore
8 Mars, 20:28 -
Lufta e Rusisë në Ukrainë goditi ekonominë dhe në Shqipëri, çmimet u rritën në ‘stratosferë’
28 Shkurt, 10:13
