POP 5

Lajmet më të lexuara të 5 minutave të fundit

Ekonomi

Rritja e çmimeve ul besimin e konsumatorëve në ekonomi, Banka e Shqipërisë: Qytetarët skeptikë për të ardhmen dhe shpenzimet

Çmimet e larta të ushqimeve, hidrokarbureve dhe kriza energjetike e paralajmëruar kanë ulur besimin në ekonomi. Banka e Shqipërisë thotë se konsumatorët si pasojë e çmimeve dhe pritshmërive të ulta për të ardhmen kanë ulur besimin me 7.4%.

Kriza e çmimeve ka përkeqësuar besimin e qytetarëve në ekonomi. Banka e Shqipërisë thotë se përkeqësimi më i madh është regjistruar tek konsumatorët dhe tregtia. Si pasojë e çmimeve të larta dhe pritjeve për një rritje të mëtejshme të tyre besimi i konsumatorëve është ulur me 7.4% në tetor, duke e ulur edhe poshtë mesatares vlerëson banka e Shqipërisë.

“Treguesi i përgjithshëm pasqyroi përkeqësimin e të gjithë komponentëve përbërës të tij. Vlerësimet e konsumatorëve për treguesit e çmimeve aktuale dhe pritjet janë rritur ndjeshëm krahasuar me ato të muajit shtator”, thuhet në raportin e bankës.

Konsumatorët kanë ulur pritshmëritë e tyre për situatën ekonomike,  janë bërë më skeptik për blerjet e mëdha dhe shpenzimet familjare. Shkaku kryesor për këtë përkeqësim të besimit janë çmimet në rritje të ushqimeve, hidrokarbureve ndjekur edhe nga paralajmërimi i krizës globale të energjisë elektrike.

Ndërkohë në muajin tetor sipas INSTAT u ngadalësuar rritja e çmimeve pasi inflacioni regjistroi 2.4% nga 2.5% që ishte në muajin tetor. Sipas raportit ndikimin më të madh në këtë nivel inflacioni e dhanë produktet e konsumit me një rritje prej 3.9%. Ndërkohë në grupin e ushqimeve shtrenjtimin më të madh e kanë pasur vajrat dhe yndyrat.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Viti i Ri vjen me diell, por vishuni mirë! Parashikimi i motit për 31 Dhjetorin e ditët e para të Janarit

Viti i Ri vjen me diell, por vishuni mirë! Parashikimi i motit për 31 Dhjetorin e ditët e para të Janarit

27 Dhjetor, 14:56