Rritje shqetësuese e rasteve të reja Covid në Europë! 28 'zona të kuqe' në Francë...Britania regjistron 3000 raste të reja

Franca ka regjistruar gati 25,000 raste të reja në tre ditë, me 7,000 raste të reja të raportuara të dielën, pas 8,500 të raportuara të shtunën dhe 9000 të premten.

Shtatë zona të tjera në Francë janë shtuar në "zona të qarkullimit aktiv Covid", ose "zona e kuqe", duke e çuar numrin total të tyre në 28 nga 94 që ka gjithësej dhe ku autoritetet kanë fuqinë të zbatojnë masa të tilla si maskat e detyrueshme apo edhe mbylljen e bareve dhe restoranteve”

Britania ka regjistruar numrin më të lartë ditor të rasteve të koronavirusit që nga muaji maj. Gjatë 24 orëve të fundit pati rreth 3000 të identifikuar pozitiv me Covid për një total prej 349 500 kurse numri i përgjithshëm I vdekjeve është rritur në 41640

Sekretari britanik i shëndetësisë Matt Hancock e përshkroi rritjen e rasteve të reja të virusit si "shqetësuese", duke thënë se qeveria do të vazhdojë të vendosë bllokada lokale nëse është e nevojshme.

Ai u bëri thirrje njerëzve të vazhdojnë të respektojnë rregullat e distancimit shoqëror si "vija e parë e mbrojtjes për të gjithë, pa marrë parasysh kush jeni dhe çfarë moshe keni”.

5 mësues të infektuar, mbyllet shkolla në Britaninë e Madhe

Një shkollë në Suffolk, në lindje të Anglisë, ka mbyllur dyert këtë mëngjes pasi pesë mësues dolën pozitivë për koronavirusin. ‘The Guardian raporton’, duke shpjeguar se dy anëtarë të tjerë të stafit të Akademisë së Samuel Ward në Haverhill, kushtet e të cilëve janë të dyshimta, po presin të dinë rezultatet e testeve.

Lajmi kryesor:

Covid/ Në Itali regjistrohen 1108 raste të reja dhe 12 viktima! Mbi 27 milionë të prekur në botë… Në Indi 90 mijë pozitivë në 24 orë

TAG:
• SHBA
• Rusi
• Brazil
• Indi
• Europë
• Koronavirus
• pandemi
• covid