Dy doganierë të doganës së Kapshticës janë proceduar penalisht, pasi në bashkëpunim me njëri-tjetrin kanë lejuar kondrabandën e mallrave.

Siç bën të ditur policia e Korçës, doganierët janë konstatuar pas arrestimit të Mimi Kellos, ku në automjetin e tij u gjetën dhe sekuestruan një sasi konfeksionesh të  ndryshme, pa dokumentacioninpërkatës.

kondrabanda

Doganierët e proceduar janë L.K, 57 vjeç dhe E.M, 36 vjeç dhe ata akuzohen për “Shpërdorim detyre”, pasi nuk kryen proçedurat korrekte, gjatë kontrollit të këtij automjeti.

kondrabanda

Në fshatin Zëmblak, pas kontrollit të ushtruar nga shërbimet e Komisariatit  të  Policisë  Korçë,  automjetit  në  pronësi  të Kellos tip “Mercedes Benz”, me targa AA 540 KI, iu gjetën e sekuestruan rreth 400 palë konfeksione (rroba) të ndryshme, të dyshuara si mallra kontrabandë, për të cilat 32 vjeçari, nuk zotëronte  dokumentacionin  shoqërues.

kondrabanda


Ai sasinë e mallrave e kishte kaluar nga Pika e Kalimit Kufitar të Kapshticës, ku dy doganierët e  turnit, L.K dhe E.M, nuk kanë kryer proçedurat korrekte, në lidhje me  kontrollin e automjetit, që drejtonte Mimi Kello.
 
Redaksia Online
(F.T/shqiptarja.com)