POP 5

Lajmet më të lexuara të 5 minutave të fundit

Sociale

Rrogeçët, tradita e lashtë pagane që jetësohet në Korçë, ‘arapët e pojanit’ organizohen çdo 7 janar

Për të katërtin vit radhazi në fshatin Pojan të Korçës është organizuar rituali i Rrogeçëve që mbahet një ditë pas ritualit të “Ujit të Bekuar”. Kjo traditë e hershme e rikthyer vitet e fundit simbolizon largimin e së keqes.

Edhe këtë fillim viti rituali i lëvizjes së Rrogeçëve në zonën e Maliqit solli për komunitetin një tjetër atmosferë gjallëruese pas festave të fundvitit.

Karnavalet me kostume popullore dhe veshje që vijnë nga lëkura e dhisë, disa me maska e me armë të improvizuara në duar, kanë marshuar në të gjitha rrugët e fshatit, në biznese dhe banesa të Pojanit.

Personazhet e përfshirë janë nusja, dhëndri, plaku dhe plaka, ujku, ariu të cilët mbajnë këmborë të bagëtive që tringëllojnë gjatë gjithë ritit dhe e gjitha kjo është simbol i përcjelljes së mirësisë. Fabula e gjithë organizimit është trembja e së keqes dhe fillimi i jetës së re.

Profesor Neshat Mehmeti nga Tetova, i cili e organizon këtë aktivitet edhe në zonat Shqiptare në Maqedoninë e Veriut, tha se evente të tilla tregojnë se sa të moçëm jemi si komb.

“Na tregojnë sa të lashtë dhe të motçëm jemi në këto troje. Na çojnë në rrënjët tona Iliro-pezallge. Krahasuar me karnavalet tona, dhe pse janë në një distancë të largët, për nga përmbajtja dhe struktura kanë shumë ngjashmëri”,- është shprehur Mehmeti.

Të quajtur ndryshe arapët e Pojanit, ky organizim është një traditë e lashtë, i ndaluar gjatë kohës së komunizmit, por i rikthyer sërish në vitet 90-të.

K.M/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43