POP 5

Lajmet më të lexuara të 5 minutave të fundit

Sport

Rrufe në qiell të hapur, Milan largon legjëndën Maldini dhe Massara-n! Befasohen tifozët dhe lojtarët

Paolo Maldinit, legjëndës së klubit të Milanit i cili mbante postin e drejtorit teknik, i është komunikuar shkarkimi nga drejtuesit bashkë me drejtorin sportiv Massara. Lajmi befasues ka sjellë shumë përshtjellim te skuadra dhe tifozët, ndërsa në pikëpyetje është vënë edhe trajneri Pioli.

Merkato e verës ka nisur me një tronditje të madhe te Milan. Kjo pasi në një takim të rrufeshëm ditën e hënë drejtuesit e Red Bird i kanë komunikuar drejtorit teknik Paolo Maldini dhe drejtorit sportiv Frederic Massara largimin nga klubi.

Kjo ka qenë si një bombë jo vetëm për tifozët e Milanit, por edhe për lojtarët. Madje disa shtylla të ekipit si portieri Maignan, Theo Hernandez dhe Rafael Leao nuk e kanë lënë më kaq, por kanë kërkuar shpjegime dhe qartësi për projektin, duke qenë se Paolo Maldini dhe Massara kishin bërë gati edhe afrimet në merkaton e verës.

RedBird është e pakënaqur me punën dhe sidomos blerjet e verës së kaluar ku përfshihet edhe investimi 35 mln euro për Charls de Keteleare, ndaj është vendosur që të zëvendësohet Maldini me Giogio Furlanin si CEO i klubit, ndërsa vendin e Massara-s do ta marrë Geoffrey Moncada, aktualisht shefi i skuatëve.

Pas këtyre lëvizjeve të befasishme edhe trajneri Pioli është vënë në diskutim, por mënjeherë ky i fundit ka qartësuar pozitat duke garantuar se do vijojë të drejtojë ‘djallin’, duke qenë se ka edhe dy vite kontratë. Megjithatë lojtarë si Camada dhe Loftus-Cheek, të cilët thuhet se ishin shumë pranë Milanit, tani duhet të presin nëse pëlqehen apo jo nga drejtuesit e rinj për t’u veshur kuqezi, ndërsa Brahim Diaz me 100% do kalojë te Reali i Madridit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kërcënimet nga krimi, a duhet forcuar mbrojtja e prokurorëve e gjyqtarëve?

Lajme të tjera



×

Lajmi i fundit

Banka Botërore: Rritja ekonomike e Kinës më e ngadalta që nga vitet 1960

Banka Botërore: Rritja ekonomike e Kinës më e ngadalta që nga vitet 1960

3 Tetor, 22:56