POP 5

Lajmet më të lexuara të 5 minutave të fundit

Sociale

Rruga e Dukagjinit, drejt përfundimit loti i parë! Kryebashkiaku i Shkodrës inspekton punimet: Do zbulohet zona po aq të bukur sa Thethi

Rruga e Dukagjinit, një nga segmentet më të vështira infrastrukturore në bashkinë Shkodër po merr formë cdo ditë e më tepër.

Dukagjin- Rruga e Dukagjinit, një nga segmentet më të vështira infrastrukturore në bashkinë Shkodër po merr formë çdo ditë e më tepër. Kryetari i bashkisë Shkodër Benet Beci, ka inspektuar nga afër punimet në këtë zonë, duke u takuar me drejtues të firmës që po kryejnë punimet por edhe punonjësit të cilët i vlerësoi për punën

“Kjo është një nga rrugët më të vështira e më të rrezikshme. Nuk është punë kontrate por mision. Ata njerëz punojnë në rrezik jete cdo minutë. U jemi shumë mirënjohës. Rruga e gjitha është nën shkëmbij që duhet të kesh kujdes’ tha Benet Beci, kryetari i bashkisë Shkodër

Kryetari i bashkisë deklaroi se ky investimi do të kthejë këtë zonë në një pol të rëndësishëm për zhvillimin e turizmit duke i dhënë një dimension tjetër edhe zhvillimit ekonomik të zonës

“Kjo pjesë e zonës është ende e paekspluar, pas kësaj rruge është mundësia për të zbuluar një zonë po aq të bukur sa Thethi e Boga”

Për inxhinierin i cili po ndjek punimet, ai tregon se është kryer thuajse 90 % e punimeve në segmentet e vështira të lotit të parë të segmentit prej 17 km.

Për banorët e kesaj zone, të cilët jo pak herë kanë ngritur zërin që kjo rrugë të bëhet, nisja e punimeve dhe ecuria e tyre është një rikthim shprese për banorët e kësaj zone.

17 km është loti i parë i kësaj rruge që po ndërtohet me zgjerimin e rrugës. Kjo rrugë konsiderohet si një nga ndërhyrjet më të rëndësishme në infrastrukturë  jo vetëm për zonën e Dukagjinit por për të gjithë bashkinë Shkodër.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Biden fal dënimet me vdekje, konvertohet dënimi për 37 të burgosur

Biden fal dënimet me vdekje, konvertohet dënimi për 37 të burgosur

23 Dhjetor, 16:25