Rruga e Kombit, Balla:Të rihapen
hetimet, Basha vodhi 240 mln $

TIRANE - Partia Socialiste ka kërkuar nga Prokuroria rihapjen e hetimeve për rrugën e Kombit. Deputeti socialist, Taulant Balla duke iu referuar raportit të KLSH-së, tha se vjedhja më e madhe në historinë e Shqipërisë me rrugët, ka ndodhur në këtë rrugë.
 
Sipas Ballës, kryetari i PD Lulzim Basha, në atë kohë ministër i Transporteve, ia ka hedhur duke mos shkuar në Porkurori pasi kishte nxjerë raporte mjekësore. Ai tha se sipas raportit të KLSH-së Basha ka vjedhur 240 milionë dollarë. Fjala e Nënkryetarit të Grupit Parlamentar së PS Taulant Balla

“Vjedhja më e madhe në historinë e Shqipërisë me rrugët, është rruga Durrës-Kukës, ku kryetari aktual i ShQUP-it është i akuzuar. Çështja është mbyllur se Luli ka qënë sëmurë dhe nuk është paraqitur në prokuroti për 240 milion dollarë që ka vjedhur. Ka çuar raporte mjekësore.  Kam këtu dhe një kallëzim penal që dua t’ia kujtoj prokurorit të përgjithshëm se nuk flihet më mbi dosje. Kam dosjen e Rdivan Bodes dhe Sherefedin Shehu që bënë të mundur gjetjen e kredisë për rrugën, për këtë rrugë, për rrugën e Lulit. Të fillojë hetimi dhe për Ridvanin e Sherefedinin që gjetën paratë. Kur të gjykohet kjo çështje atëherë ka bërë punën e vet Prokuroria. Akuzat i referojmë nga raportet e KLSH-së”, deklaroi Balla.