POP 5

Lajmet më të lexuara të 5 minutave të fundit

Kronikë

Rruga e Shishtavecit e amortizuar, shoferët: Po hasim vështirësi të mëdha, paguajmë taksa

Rruga Shishtavec-Kukës ka mbetur nën mëshirën e fatit, pasi në të gjithë gjatësinë e saj ka probleme të shumta, si gropa dhe rrëshqitje të mëdha, të cilat herë pas here bllokojnë rrugën për orë të tëra

Rruga Shishtavec-Kukës ka mbetur nën mëshirën e fatit, pasi në të gjithë gjatësinë e saj ka probleme të shumta, si gropa dhe rrëshqitje të mëdha, të cilat herë pas here bllokojnë rrugën për orë të tëra.

Firmës që mirëmbante rrugën i ka kaluar afati, ndërsa që prej dhjetorit, banorët e zonës së Shishtavecit ecin me frikë nga të papriturat që hasin në këtë aks rrugor.

Rruga Kukës-Shishtavec ka kushtuar rreth 28 milionë dollarë, por ajo ka mbetur në mëshirë të fatit. Gropa të mëdha, muret mbrojtëse nga rënia e gurëve, por edhe shembjet që janë bërë në mjaft pjesë të saj, e kanë kthyer këtë aks rrugor të paqëndrueshëm dhe të rrezikshëm për drejtuesit e automjeteve.

Ndërkohë, shkarja masive e inerteve, gurëve e dherave mbushin rrugën thuajse në të gjithë gjatësinë e saj. Drejtuesit e mjeteve që përshkojnë këtë rrugë thonë se po hasin vështirësi të mëdha.

Rruga është dëmtuar shumë, tani nga lagështia është bërë shumë e rrezikshme. Vështirësi ka shumë, por nuk di se ca mund të bëni ju për këtë vështirësi që ka rruga. Kompania që ishte për pastrim iku fare. Është gjynah se ne paguajmë dhe taksa.

Shoferët

Segmentit të parë prej 11 kilometrash që ishte me sipërmarrje për mirëmbajtjen e saj, i ka përfunduar kontrata prej më shume se dy muajsh dhe ajo nuk pastrohet që në dhjetor të vitit të kaluar. Rruga Kukës-Shishtavec, lidh më shumë se 14 mijë banorë të Shishtavecit,Topojanit e Zapodit me 16 fshatra që kanë këto njësi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01