POP 5

Lajmet më të lexuara të 5 minutave të fundit

Sociale

Rruga e varrezave në Këlcyrë si në mesjetë, 30 vite pa investim! Bashkia nuk ‘vë dorë’, banorët: Duhet ndërhyrë! Kryebashkiaku për REPORT TV: Prioritet më 2025

Mbi 30 vite dhe askush nuk ka ndërhyrë. Rruga e varrezave në Këlcyrë ka mbetur sikur të ishte Mesjetë me baltë dhe pluhur ndërsa banorët kërkojnë ndërhyrje. Për Report Tv, kryebashkiaku Klement Ndoni tha se rruga është prioritet për vitin 2025 

Të përcjellësh njerëzit e dashur për në banesën e fundit apo t'u bësh atyre nderimet përkujtimore, në Këlcyrë është një odise më vete. 

Rruga që të çon në varrezat e qytetit është e paasfaltuar, e mbuluar nga balta në dimër dhe pluhuri në verë. Në 30 vite asnjë nga kryebashkiakët e djathtë apo të majtë nuk ka vënë dorë, pavarësisht kërkesave të vazhdueshme të qytetarëve. 

“Vij një ditë po një ditë jo te djali, sepse e humba para 3 vitesh në moshën 34 vjeç nga zemra. Duam që vetëm kush është në pushtet t’i bëjë respekt shpirtrave, jo vetëm për mua, por edhe për plakat që s’kanë mundësi të vijnë”, thotë një banor.

Pyetjes së si ia bëjnë kur është shi, ai i përgjigjet: 

“Nuk mund të kalosh dot. Fare! Vetëm të heqësh këpucët dhe të ikësh zbathur!”

Vetëm 1.5 kilometra e gjatë, rruga e varrezave të Këlcyrës kërkon ndërhyrje emergjente, të cilën banorët e qytezës e kërkojnë me ngulm pasi hasin vështirësi gjatë funeraleve. 

“Ç’bën ky shtet? Ku i çon investimet? Çfarë po bëhet? Paratë po shkojnë për t’u pasuruar vetë ato, sepse asgjë nuk po bëhet. Unë po vij me makinë sepse po t’i futesh me këmbë mbytesh brenda”, vijon ankesa e qytetarëve.

“Rruga e varrezave është e shkatërruar, jashtë çdo standarti. Baltë, shi njerëzit mezi shkojnë tek të afërmit e tyre”, shton një tjetër.

Report Tv kontaktoi me kryebashkiakun e Kelcyrës, Klement Ndoni, i cili premton se ky aks do të rehabilitohet gjatë vitit 2025, pasi është vendosur në prioritet emergjent nga kjo bashki dhe se fondet janë gati për investimin. 

Banorët thonë se këtë premtim e kanë dëgjuar dhjetëra herë, ndaj mbeten skeptikë, derisa ta shohin projektin të realizuar. 

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Të harruar! Banorët e Shtyllasit në Fier 15 vite pa ujë, e mbushin 45 km larg!

Të harruar! Banorët e Shtyllasit në Fier 15 vite pa ujë, e mbushin 45 km larg!

19 Janar, 19:27 nga Marsela Topi