TIRANË-Ndarja mes Sali Berishës dhe Lulzim Bashës duket e reale, e ashpër dhe me pasoja të parashikueshme. Pas përbetimeve për hakmarrje, Sali Berisha ka paralajmëruar një aksion politik për shkarkimin e Lulzim Bashës si kryetar i Partisë Demokratike, duke e akuzuar për tradhti dhe dorëzim të sovranitetit të partisë tek amerikanët. Aksioni për rrëzimin e Bashës është reaksioni i parë politik që prodhoi vendimi i Bashës për përjashtimin e Berishës nga grupi parlamentar i PD dhe rrjedhimisht nga partia, si reflektim ndaj ultimatumit të Shteteve të Bashkuara të Amerikës, të cilat pas shpalljes non grata, e duan Sali Berishës jashtë politikës.
Po a ka fuqi Sali Berisha të shkarkojë Lulzim Bashën, me qëllim për ta zëvendësuar me një të besuar të Familjes?
Ka vetëm një mënyrë për të shkarkuar Lulzim Bashën si kryetar i PD: Përmes një mocioni mosbesimi në forumet më të larta vendimmarrëse të Partisë Demokratike. Për të shkarkuar Lulzim Bashën, Sali Berisha duhet të sigurojë me shumë se sa gjysmën e anëtarëve të Këshillit Kombëtar dhe Kuvendit Kombëtar të Partisë Demokratike.
Statuti me 61 nene i Partisë Demokratike ka vetëm një pikë që parashikon mënyrën e shkarkimit të kryeartit. Pika ‘ç’ e nenit 43 e statutit në fuqi të PD, parashikon që Kuvendi Kombëtar mund të shkarkojë kryetarin e partisë. Por, vendimi i shkarkimit nga Kuvendi i PD-së merret vetëm nëse më shumë se sa gjysma e Këshillit Kombëtar kanë votuar pro një mocioni mosbesimi ndaj kryetarit të partisë.
Këshilli Kombëtar i PD-së mblidhet vetëm kur e thërret Lulzim Basha, kryesia e PD-së ose nëse mbledhjen e kërkojnë 1/4 e anëtarëve të tij. Pra, paraprakisht, Berisha duhet të bindë 122 anëtarë të Këshillit për të mundësuar mbledhjen për shkarkimin e kryetarit.
Më pas, Sali Berisha duhet të sigurojë fillimisht votën e mbi 243 anëtarëve në Këshillin Kombëtar për të rrëzuar Lulzim Bashën, pasi Këshilli përbëhet nga 486 anëtarë. Nëse kalon këtë fazë, më pas duhet të sigurojë votat e rreth 2500 anëtarëve të Kuvendit Kombëtar për të finalizuar shkarkimin e Lulzim Bashës. Kuvendi Kombëtar i PD përbëhet nga mbi 5 mijë anëtarë.
Berisha duhet të bindë të paktën 2743 anëtarë të Këshillit dhe Kuvendit Kombëtar për të shkarkuar Lulzim Bashën.
Shkarkimi i Bashës nga Berisha duket një sfidë edhe më e vështirë në kushtet kur, 338 anëtarët e rinj të Këshilli Kombëtar të PD, të zgjedhur disa ditë më parë nga Kuvendi, që të gjithë janë propozuar si kandidatë nga Lulzim Basha dhe si të tillë shumica mund të jenë të besuar të tij. Ndërsa anëtarët e tjerë, pjesë e Këshillit për shkak të funksionit, nuk dihet se si mund të rreshtohen nëse Berisha tenton të rrëzojë me votë Lulzim Bashës.
Impakti i Bashës është i padiskutueshëm edhe në Kuvendin Kombëtar i PD-së, i cili vendos në mënyrë përfundimtare për shkarkimin e kryetarit. Kuvendi i PD-së përbëhet nga anëtarët e Këshillit Kombëtar të PD, anëtarët e Kryesisë, deputetët, kryetarët dhe sekretarët seksioneve të PD, anëtarët e kryesive të degëve, koordinatorët dhe funksionarët e selisë qendrore të partisë, që të gjithë të diktuar nga dora e Lulzim Bashës.
Lulzim Basha kontrollon gjithashtu edhe Komisionin Zgjedhor në PD, përgjegjës për çdo proces votimi në forumet e larta të partisë. Nisur nga këto rrethana, që konfirmojnë se Lulzim Basha ka konsoliduar pozitat e tij në parti sidomos pas vitit 2017, aksioni i Berishës për rrëzimi e Bashës, të paktën me votë, duke i vështirë dhe ndoshta edhe i pamundur.
Lajme të tjera
-
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
