Aksi rrugor Fier–Levan është shkatërruar plotësisht. Gropat e shtuara në rrugë e kanë bërë thuajse të pamundur kalimin e automjeteve. Një tjetër problem është edhe ngushtësia e aksit si dhe numri i madh i automjeteve çka krijon trafik të rënduar.

Shoferët që përshkruajnë çdo ditë këtë aks prej 9 kilometrash ankohen për gjendjen e mjeruar të rrugës. Ata akuzojnë qeverinë për lënien në harresë të këtij segmenti që për ta është shumë i rëndësishëm.