POP 5

Lajmet më të lexuara të 5 minutave të fundit

Politikë

Zbulohet data, më 28 shkurt samiti i Ukrainës, për herë të parë Zelensky në Tiranë! Një ditë më pas kryeqyteti pret liderët e Ballkanit Perëndimor

Më 28 shkurt në Tiranë do të mbahet samiti për Ukrainën, ndërsa kjo e fundit lufton me forcat ruse. Për herë të parë në Shqipëri vjen edhe presidenti Volodymyr Zelenky. Një ditë më pas, më 29 shkurt, kryeqyteti pret liderët e Ballkanit Perëndimor, mëson Shqiptarja.com.

TIRANË- Për herë të parë, presidenti ukrainas Volodymyr Zelensky do të vizitojë Shqipërinë, ndërsa Ukraina ndodhet në luftë me Rusinë që prej shkurtit 2022. Tirana do të jetë mikpritëse e një samiti për Ukrainën, ku padyshim fokusi do të vendoset tek lufta dhe mbështetja ndaj Ukrainës do të jetë fokusi i takimit mes Zelenskyt dhe liderëve të Ballkanit Përendemor, por nuk do të mungojnë as liderë të BE-së dhe zyrtarë të lartë të Brukselit.

Burime për Report Tv dhe Shqiptarja.com bëjnë me dije se samiti për Ukrainën në Tiranë do të mbahet më datë 28 shkurt, informon gazetarja Raziela Myslimaj. Ka qenë vetë kryeministri Edi Rama që paralajmëroi nga Shkupi samitin dhe vizitën e Zelensky në Tiranë. 

Shqipëria ka treguar mbështetjen e vazhdueshme për Ukrainën dhe integritetin territorial të saj. Shqipëria dhe SHBA ishin bashkëpenëmbajtëse të çështjes së Ukrainës në Këshillin e Sigurimit të Kombeve të Bashkuara. Ndërkohë, Zelensky me një dekret të Posaçëm nderoi Edi Ramën me “Urdhrin e Princit Jaroslav i Urti, shkalla e parë”, për mbështetjen pa kufi që Shqipëria ka treguar ndaj Ukrainës.

Një ditë më pas, 29 shkurt, kryeqyteti do të presë liderët e Ballkanit Perendimor, ku fokusi do të jetë rrugëtimi i vendeve të Ballkanit Perëndimor drejt BE, si edhe zbatimi i Planit të Rritjes Ekonomike, i cili synon të zgjerojë përfitimet e Tregut Unik të Bashkimit Evropian në rajon përpara anëtarësimit formal, me synim kontributin pozitiv në rritjen ekonomike dhe përshpejtimin e konvergjencës socio-ekonomike me BE-në.

Presidenti i Serbisë Aleksandër Vuçiç ka konfirmuar pjesëmarrjen e tij në këtë samit. Kosova gjithashtu po përgatitet, por nuk ka ende një konfirmim zyrtar nga ana e kryeministrit Albin Kurti për udhëtimin drejt Tiranës. Për herë të parë në këtë samit, Maqedonia e Veriut do të përfaqësohet nga një kryeministër shqiptar, Talat Xhaferri.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/02/2024 03:29

    Ne kete rast jemi ne anen e duhur te historise,por do te doja qe kryeministri jone te ishte treguar me i kujdesshem kur flet lart e poshte si grate dikur ne rradhet e dyqaneve.Eshte tjeter gje te thuash do te mbajme nje samit per Ukrainen e tjeter gje te thuash qe Zelensky do te marre pjese fizikisht ne samit.Dashje pa dashje ky lajm mund te terheqe vemendjen e sherbimeve sekrete ruse qe duan t'a eliminojne Zelenskyn.Jam e sigurte qe zoteria do te vije i mirembrojtur,po ashtu dhe shteti jone do te vendose garden ne dispozicion ne gadishmeri te plote,por nuk i dihet.Akoma nuk me hiqet nga mendja ai incidenti qe ndodhi me ate shqiptarin kur erdhi, ne mos gaboj, Scalfaro per vizite.Ngjarje pa shume rendesi dhe aq me teper ne kohe paqeje,por ama per te ndodhur ndodhi si incident.

    Përgjigju
    • Emigrant: 14/02/2024 08:14

      Moj iris mir thua qe jemi ne anen fituese te historis Por mos na ndodht si ne kohen kur shqiperia u bashkua me italin dhe me pas me nazizmin pse keta bashkuan shqiperin me kosoven Dhe qe fat i madh qe dolen komunistat qe moren armet dhe u bashkuan me aleancen fituese Historia zonj nuk te le te gabosh

  • Or tej: 13/02/2024 14:08

    Do na dergoje Zelenski ndihma sapo te shohe katrahuren tek ne or teeeejjjjj

    Përgjigju
  • Agron: 13/02/2024 13:37

    Ju lumte! Gjithmone ne anen e gabuar te historise.

    Përgjigju
  • Maks: 13/02/2024 12:50

    Ne vend te ishte shtet asnjanjes ne kete luft Keta politikanet tan te famshem qe jan mbyt ne zullume behen pal me ukrainen apo me shtetet luft nxitese Zoti na ruajt se ne rast luften e fiton rusi Pastaj do embajm frymen ne shkretetir dhe do behemi si jevgjiterit apo si palestinezet pa shtet e pa perkrahje

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29