POP 5

Lajmet më të lexuara të 5 minutave të fundit

Politikë

Zelensky nderon Ramën me Urdhrin e Princit ‘Jaroslav i Urti’: Mirënjohje për mbështetjen e popullit ukrainas

Të gjithë mbështetjen që kryeministri Edi Rama ka shprehur për Ukrainën, Volodymyr Zelensky ia ka shpërblyer duke e nderuar me urdhrin më të lartë. Përmes një dekreti, Rama mori “Urdhrin e Princit Jaroslav i Urti, shkalla e parë”, së bashku me princin e kurorës së Arabisë Saudite dhe kryeministrin Spanjoll.

Me një dekret të Posaçëm, presidenti ukrainas Volodymyr Zelensky i dha kryeministrit Edi Rama “Urdhrin e Princit Jaroslav i Urti, shkalla e parë”.

“Jam krenar për këtë ngjarje. Urimet e mia të sinqerta dhe mirënjohje pa kufi për mbështetjen e popullit tim në sprovat e vështira të luftës”, shkruhet në njoftimin e presidencës ukrainase, ndërsa motivacioni për nderimin e kryeministrit Edi Rama është: “Për një kontribut të rëndësishëm personal në forcimin e bashkëpunimit ndërshtetëror, mbështetjen e sovranitetit shtetëror dhe integritetit territorial të Ukrainës, popullarizimin e shtetit ukrainas në botë”.

Menjëherë pas luftës, kryeministri Edi Rama ka shprehur mbështetje të pakursyer ndaj popullit ukrainas, duke ofruar 1 milion euro në konferencën e donatorëve. Më 15 qershor të vitit të kaluar, Rama vizitoi Kievin, ku u takua me homologun e tij, presidentin Zelensky e liderë të tjerë, duke ia shprehur edhe mbështetjen për rrugën drejt BE-së.

Nga ana tjetër, mirënjohjen për Shqipërinë dhe personalisht për kryeministrin Rama, Zelensky e përcolli nëpërmjet një videomesazhi në kuvendin e Shqipërisë më 3 maj 2022.

Së fundmi, presidenti ukrainas vendos t’i japë kreut të qeverisë titullin e lartë, me të cilin është vlerësuar edhe princi i kurorës i mberetërisë së Arabisë Saudite Muhammad bin Salman dhe kryeministri spanjoll Pedro Sanchez.

DEKRETI I PRESIDENTIT TË UKRAINËS Nr. 860/2023

Rreth dhënies së çmimeve shtetërore të Ukrainës

Për një kontribut të rëndësishëm personal në forcimin e bashkëpunimit ndërshtetëror, mbështetjen e sovranitetit shtetëror dhe integritetit territorial të Ukrainës, popullarizimin e shtetit ukrainas në botë, unë dekretoj:

Të jepet Urdhri i Princit Jaroslav i Urti, shkalla e parë

RAMA Edi - Kryeministër i Republikës së Shqipërisë

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Linda: 30/12/2023 17:22

    Faleminderit zotit Zelensky dhe popullit te Ukraines per respketin e vecant per popullin shqiptar dhe zotit Rama!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce