VLORË- Kreu i Partisë Demokratike, Lulzim Basha ka listuar një sërë arsyesh se ku përse duhet të zgjidhet kryeministër, sipas së cilit ka karakteristika krejtësisht ndryshe nga kreu i qeverisë Rama. Në takimin e tij me të rinjtë në qytetin e Vlorës, në kuadër të turit "Rrugëtimi për Shqipërinë", Basha tha mes të tjerave, se ai, por edhe partia që drejton, PD-ja nuk ka lidhje me kriminelët dhe as me oligarkët, ndërsa për Ramën pretendon se e ka mbajtur pushtetin pikërisht nëpërmjet krimit.

"E kam për detyrë t’ju them se ndryshe nga ky që qeveris sot, unë nuk kam lidhje me asnjë kriminel dhe nuk jam mbështetur kurrë tek kriminelët për pushtetin tim apo të partisë sime. Përkundrazi! Ne kemi bërë një betejë 6 vje çare kundër krimit dhe kemi fituar disa segmente të kësaj beteje, si ç është për shembull ligji për dekriminalizimin, që ka nxjerrë shumë pushtetarë nga parlamenti, nga bashkitë. I fundit ishte ky i Vorës.  Unë nuk kam asnjë lidhje me oligarkinë", tha mes të tjerave Basha.

Vlora ishte ndalesa e parafundit e kryedemokratit Basha në turin e tij "Rrugëtimi për Shqipërinë". Takimi i fundit do të zhvillohet në qytetin e Krujës, në orën 17:00.

Axhenda e javës

E martë     
Korçë
Ora 17:00

E mërkurë
Shkodër
Ora 17:00

E enjte
Vlorë
Ora 17:00

E premte
Krujë
Ora 17:00

Rendit zhvillimet sipas orarit:
Ora 17:49
'Kujdes, ke konkurrente të fortë', Basha i përgjigjet me batutë vlonjates, salla shpërthen në të qeshura

Në sallën kur kryedemokrati Basha zhvilloi takimin me të rinjtë, ai "njohu" një nga konkurrentet e tij më të forta në të ardhmen. Ajo është një studente që ka mbaruar gjimnazin në Izrael dhe do të nisë studimet lartë në një vend të Bashkimit europian, por siguroi që shumë shpejt do t'i futet politikës. "Ke konkurrencë t forta", iu drejtua Bashës një nga të pranishmet në sallë. Një deklaratë e tillë, u mirëprit nga Basha, i cili iu përgjigj me batutë. "Të më dalë përpara, jo pas shpine", tha kryedemokrati, duke qenë se vajza ishte ulur në sallë pas Bashës. Kjo batutë shkaktoi të qeshura dhe duartrokitje në sallë.

B.K./Shqiptarja.com

Ora 17:39
Ku ndryshon nga kryeministri? Basha: Unë s'kam asnjë lidhje me kriminelët dhe oligarkët...Rama 'po'

Ndalesa e radhës e kreut të Partisë Demokratike është Vlora. Në bashkëbisedimin me të rinjtë, Basha iu përgjigj pyetjes se cili është ndryshimi mes tij dhe kreut të qeverisë, Edi Rama. Ai listoi një sërë arsyesh, ku ndër më kryesoret theksoi se ai personalisht, por as partia që drejton nuk ka asnjë lidhje me krimin apo kriminelët me qëllim marrjen e pushtetit si dhe nuk kanë asnjë lidhje me oligarkinë.

"Çfarë kam unë ndryshe? Është e vështirë të flasësh për veten, por e kam për detyrë ta shpjegoj, përderisa e kërkoj këtë përgjegjësi. E kam për detyrë t’ju them se ndryshe nga ky që qeveris sot, unë nuk kam lidhje me asnjë kriminel dhe nuk jam mbështetur kurrë tek kriminelët për pushtetin tim apo të partisë sime. Përkundrazi! Ne kemi bërë një betejë 6 vje çare kundër krimint dhe kemi fituar disa segmente të kësaj beteje, si ç është përshembull ligji për dekriminalizimin, që ka nxjerrë shumë pushtettarë nga parlamenti, nga bashkitë. I fundit ishte ky i Vorës.  Unë nuk kam asnjë lidhje me oligarkinë.  Përkundrazi! Unë dhe partia ime kemi një plan për ta  çarmatosur oligarkinë nga instrumentat me të cilat kap shtetin dhe pushtetin dhe, pastaj, vjedh dhe grabit pasuritë e shqiptarëve, si ç kemi edhe hstë një plan për t’u marrë  çdo qindarkë që i kanë marrë nga taksat tuaja dhe për t’jua rikthyer ju", tha Basha.

Megjithatë, duhet theksuar se në një kohë që deklaron se i ka hapur luftë oligarkisë, Basha është vënë ditëve të fundit në qendër të opinionit publik për shkak të zhvendosjes së tij me shtëpi në kompleksin e vilave luksoze të 'Long Hill', i ndërturar pikërisht nga biznesmeni Agron Papuli, i sulmuar nga kryedemokrati si 'oligark i lidhur me Ramën'. Në përgjigjen e tij lidhur me këtë zhvendosje, Basha është mjaftuar duke thënë se është një formë e Ramës për të hequr vëmendjen nga skandalet e tij, por asgjë tjetër më shumë.

B.K./Shqiptarja.com