POP 5

Lajmet më të lexuara të 5 minutave të fundit

Rrëzuan dënimin me burgim të përjetshëm për Dritan Dajtin, Gjonaj kërkon shkarkimin e tre gjyqtarëve

Ministrja e Drejtësisë, Etilda Gjonaj ka folur sërish lidhur me vendimin për uljen e dënimit të Dritan Dajtit. Gjonaj foli për rastin duke e konsideruar atë si të paprcedentë dhe deklaroi se i është drejtuar Këshillit të Lartë Gjyqësor për shkarkimin e gjyqtarëve që kanë vendosur uljen e dënimit të Dajtit me 25 vite.

“Jam sërish këtu para jush  për të folur ndaj vendimit të paprecedentë të dhënë nga Gjykata e Krimeve të Rënda ndaj shtetasit Dritan Dajti. Ministria e Drejtësisë ka kryer të gjithë verifikimet paraprake.

Nga verifikimet rezulton se tre anëtarë nga pesë  gjithsej kanë vendosur uljen e dënimit  me 25 vite.  Për këtë arsye i jam drejtuar  KLGJ për marrjen e vendimit të shkarkimit të  tre gjyqtarëve.  Jam besim plotë se KLGJ-ja do të veprojë shpejt për procedimin disiplinor. Reagimi i qeverisë nuk ndalet as këtu, por edhe as me kaq”, tha ministrja Gjonaj në deklaratën e saj.

Gjykata e Apelit të Krimeve të Rënda rrëzoi tre ditë më parë dënimin me burgim të përjetshëm të Dritan Dajtit, i provuar nga drejtësia si fajtor për vrasjen e katër efektivëve të policisë në vitin 2009 pranë plazhit "Iliria" në Durrës. (lexo ketu)

m.m./r.k.
Komento

Komente

  • Titi: 11/02/2019 17:57

    Ka nje nen per shperdorim detyre Kodi Penal dhe tre gjyqtaret maskarenj qe kane dhene ate vendim e kane konsumuar plotesisht ate veper penale

    Përgjigju
    • Rroku: 12/02/2019 16:50

      He se nder i bene te 3-ve se nuk jane subjekt i vetingut, pronat dhe paret i gezojne agagahahaha