Ruçi i përgjigjet Blushit: S’mund të
mendojnë që për 18 muaj u ngrit shteti

Nga Lushnja ku u prezantua kandidati i Aleancës për Shqipërinë Evropiane, Fatos Tushe, kreu i grupit parlamentar të Partisë Socialiste Gramoz Ruci, i është kundërpërgjigjur në distancë kritikave te deputetit socialist Ben Blushi.

Ndërkohë Ruci nuk kurseu akuzat as ndaj kundërshtarëve politik, të cilët sipas tij me çdo mjet anatemojnë punën e qeverisë.

“Ata që na kundërshtojnë ne, e thash edhe dje në Fier po e them edhe këtu nuk lënë ditë të enjte dhe çdo ditë të javës pa derdhur baltë, pa derdhur vrer, pa derdhur inat, pa derdhur molën që ka brenda dhe e gjitha kjo ka një shpjegim se ata nuk mund ta mendojnë si ka mundësi që këta të majtët për 18 muaj ngritën shtetin.”-tha Gramoz Ruçi.

Deputeti Ben Blushi prej kohësh në foltoren e parlamentit dhe shtypin e shkuar kritikon ashpër qeverinë Rama dhe reformat e ndërmarra.
 
Redaksia Online
(a.h/shqiptarja.com)

TAG:
• gramoz ruçi