POP 5

Lajmet më të lexuara të 5 minutave të fundit

Ruçi dhe Balla në Gjermani, Ministri për Evropën: Reforma në drejtësi e suksesshme, inkurajojmë thellimin e të tjerave

Gramoz Ruci dhe Taulant Balla me Ministrin e Evropës, Michael Ruth

Kryetari i Kuvendit, Gramoz Ruçi dhe kreu i grupit parlamentar socialist, Taulant Balla po zhvillojnë një vizitë zyrtare në Gjermani. Pas takimit me kreun e Bundestagut gjerman, Ëolfgang Schauble,  Ruçi dhe Balla u pritën këtë të mërkurë nga Ministri për Europën, Michael Roth.

Teksa ata u shprehën të vendosur për axhendën e reformave për integrimin e Shqipërisë në Bashkimin Europian, Roth cilësoi si një ndër reformat e ndërmarra të suksseshme atë të drejtësisë dhe vijoi në të njëjtën linjë me atë të Schauble, inkurajoi vazhdimin e proceseve integruese, ruajtjen e qëndrueshmërisë së tyre si dhe thellimin e reformave të tjera në vend. Palët diskutuan më tej edhe për intensifikimin e bashkëpunimit me fokus qershorin 2019. 


Sikurse e pohon përmes një postimi edhe kryetari i grupit parlamentar të PS-së, Taulant Balla, Ministri për Evropën, u shpreh gjatë takimit edhe për mosliberalizimin e vizave në Kosovë, duke e cilësuar të turpshëm.

"Lidhur me rrugën evropiane të Shqipërisë dhe të Ballkanit Perëndimor, ministri i shtetit për Evropën, z. Machel Roth qendron një mbështetës i fortë dhe i përkushtuar. Tani është koha për të hapur negociatat për anëtarësimin e Shqipërisë me BE-në. Ndërkohë, mbajta e regjimit të vizave për Kosovën është një turp, - deklaroi ministri Roth", shkruan Balla.

a.s./Shqiptarja.com
Komento