Kryetari i Kuvendit Gramoz Ruçi zhvilloi një takim me Presidentin e Asamblesë Parlamentare të OSBE-së George Tsereteli, dhe Sekretarin e Përgjithshëm Roberto Montella, të shoqëruar nga Kryetari i Prezencës në Tiranë, ambasadori Bernd Borchardt. Kryetari Ruçi informoi bashkëbiseduesit mbi punën që po bëhet për përmirësimin e procesit zgjedhor, në zbatim të rekomandimeve të ODIHR-it.
Ndryshe nga herët e tjera, komisioni i reformës zgjedhore ka filluar punë në fillim, jo në fund të legjislaturës, për t’u dalë përpara sfidave të zgjedhjeve të ardhshme lokale dhe parlamentare. Reforma zgjedhore është në proces dhe komisioni i reformës po punon në gjashtë shtylla kryesore, të cilat kanë të bëjnë me: përdorimin e teknologjive të reja në procesin e votimit; votimin e emigrantëve; shmangien e praktikave të shitblerjes së votës; regjistrin e votuesve dhe regjistrin civil; mospërdorimin e administratës në procesin zgjedhor; si edhe çështje që kanë të bëjnë me rekomandimet kryesore të OSBE-ODIHR-it, si roli i medias në fushatë dhe financimi i partive politike.
Në lidhje me trajtimin e minoriteteve, ligji "Për mbrojtjen e pakicave kombëtare në Republikën e Shqipërisë" është miratuar nga Parlamenti në tetor 2017, pas një konsultimi të gjerë publik dhe hyri në fuqi në nëntor 2017. Aktet nënligjore janë duke u hartuar në bashkëpunimin edhe me Komisionerin e Lartë për Minoritet Etnike dhe do të miratohen së shpejti.
Gramoz Ruçi
Kryetari Ruçi vuri në dukje edhe rolin konstruktiv të Shqipërisë për sigurinë dhe stabilitetin rajonal dhe marrëdhëniet e mira me fqinjët, tolerancën dhe bashkekzistencën fetare, si vlera të spikatura për të cilat vendi ynë shërben si një model në rajon e më gjerë.
Ne kemi lënë pas problemet e trashëguara me Greqinë dhe po ecim drejt zgjidhjeve përfundimtare për të gjitha këto probleme. Marrëdhënie shumë të mira kemi edhe me Maqedoninë dhe vendet e tjera të rajonit.
Shqipëria dhe shumë shtete anëtare të OSBE kanë kërkuar që Kosova të jetë pjesëmarrëse në diskutimet që zhvillohen në forumet e Organizatës për Kosovën. Shqipëria nxit dialogun Serbi-Kosovë dhe vetë ka ndërmarrë hapa të rëndësishëm për dialogun me Serbinë. Vizita e Kryeministrit Rama në Serbi ka ndikuar mjaft pozitivisht në përparimin e marrëdhënieve midis të dy vendeve.
Shqipëria ofron kontributin e saj në luftën kundër terrorizmit dhe ekstremizmit të dhunshëm, duke ndërmarrë hapa konkret për parandalimin e shkaqeve të radikalizmit, përfshirjen e kurrikulave për tolerancën fetare në tekstet shkollore, forcimin e rolit të shkollës si kontribues të kohezionit shoqëror, si edhe përgatitjet për të ngritur Qendrën Rajonale Kundër Ekstremizmit të Dhunshëm.
Gramoz Ruçi
Ruçi vlerësoi edhe bashkëpunimin shumë të mirë të Kuvendit me Asamblenë Parlamentare të OSBE-së si edhe rolin konstruktiv të Shqipërisë në këtë Organizatë. Presidenti Tsereteli vlerësoi përparimet që janë bërë në Shqipëri vitet e fundit. Konstatoj mjaft zhvillime pozitive, nënvizoi ai.
Ka një dinamizëm ekonomik, njerëzit kanë shpresë dhe optimizëm. Shqipëria ndodhet shumë afër Bashkimit EVropian. Gjithashtu, Shqipëria është një anëtar shumë aktiv i OSBE-së, edhe pse është një vend i vogël. Është vështirë të dallohesh midis 57 shteteve anëtare, por Shqipëria dallohet për kontributin e saj të spikatur në kuadër të veprimtarisë së Organizatës. Vlerësojmë kontributin e Shqipërisë, si nëpërmjet delegacionit parlamentar, ashtu edhe nëpërmjet rolit në misionet vëzhguesve të Organizatës. Në vlerësojmë arritjet e deritanishme dhe do të vazhdojmë të mbështesim Shqipërinë në zbatimin e reformës në drejtësi, të reformës zgjedhore, luftën kundër korrupsionit, krimit dhe trafikut të drogës. Në përballimin e këtyre sfidave do të kini vazhdimisht mbështetjen e OSBE-së. Asambleja Parlamentare e OSBE-së është forumi më i madh dhe unik për zhvillimin e dialogut politik dhe ne i jemi mirënjohës Shqipërisë për kontributin në këtë aspekt. Ne vlerësojmë gjithashtu kontributin e Shqipërisë në përballimin e sfidave të luftës kundër terrorizmit dhe migracionit të paligjshëm në rajon e më gjerë.
George Tsereteli
Lajme të tjera
-
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
OSBE trajnon gjyqtarët dhe prokurorët e ardhshëm mbi trafikimin e qenieve njerëzore
6 Dhjetor, 14:15 -
Politika bashkohet për të përmbysur skemën e ripërtëritjes në Gjykatën Kushtetuese! SHBA kundër: Të rinovohen tri anëtarë çdo 3 vjet
6 Dhjetor, 14:07
-
Përjashtimi i Berishës nga Grupi Parlamentar i PD-së, Lulzim Basha: Vendimi ishte i drejtë, do ta merrja sërish
5 Dhjetor, 20:11 -
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Alibeaj në Report Tv: S’ka bashkëpunim me Berishën, PD një organizëm privat për të luftuar SPAK! Qeveria teknike? Lojë, i shiti Ramës zgjedhjet
29 Nëntor, 18:47 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
