TIRANE, 5 Shkurt/ATSH/- Kryetari i grupit parlamentar të Partisë Socialiste, Gramoz Ruçi deklaroi të enjten se i gjithë kabineti qeveritar është në terren, pranë qytetarëve në zonat e përmbytura.
Duke marrë fjalën në seancën plenare që po zhvillohet në Kuvend, Ruçi tha se fatkeqësitë nuk duhet të na ndajnë por të na bashkojnë dhe t'i gjendemi njëri-tjetrit.
Ndërkaq kreu i grupit kërkoi gjithashtu vijimin me rendin e ditës së seancës plenare.
Ai i kërkoi solidaritetin e gjithë klasës politike, angazhimin e tyre pasi nga kjo përmbytje shumë e rëndë, banorët kanë nevojë për të gjithçka pasi dëmet janë të mëdha./a.gjonaj/ /a.g/
![](https://www.shqiptarja.com/template/img/sh_logo1.png)