Ruçi përshëndet pelegrinët në Malin e shenjtë të Tomorit: Në këtë botë të trazuar, njerëzit kanë nevojë për mesazhe gëzimi e paqeje

Kryetari i Kuvendit, Gramoz Ruçi, ka përshëndetur sot pelegrinët, të cilët po marshojnë drejt  Malit të shenjtë të Tomorrit, për të kremtuar festën e Abaz Aliut.

“Përshëndes dhe uroj sot qindra-mijëra pelegrinë, besimtarë bektashinj, të cilët prej disa ditësh po ngjiten në Malin e Shenjtë të Tomorit. Pelegrinazhi është një marshim besimi, përkushtimi, dashurie e sakrifice. Jo vetëm për bektashinjtë, por për të gjithë besimtarët, për të gjithë shqiptarët. Tomori i Abaz Aliut, princi i bashkimit, vëllazërimit, paqes dhe mbrothësisë, është bërë destinacioni i besimtarëve nga të katër anët e Shqipërisë, por edhe nga Diaspora. Në këtë botë të trazuar, të gjithë njerëzit, popujt dhe kombet  kanë nevojë për mesazhe gëzimi e paqeje kundër hidhërimit e konflikteve; kanë nevojë për besim e shpresë, përkundër dëshpërimit e pesimizmit; japin e marrin dashuri në vend të urrejtjes; i kundërvenë pasurinë shpirtërore varfërisë dhe pabarazisë; shtrijnë dorën e miqësisë përkundër  pezmatimit dhe armiqsive.”, shkruan në mesazhin e tij Ruçi.

LEXO EDHE:
Nis pelegrinazhi në kishën e Shna Ndout në Laç, mijëra besimtarë i drejtohen vendit të shenjtë përgjatë 13 të martave

Lajmi kryesor:

Pelegrinazhi në Malin e Tomorrit, sot dita kulminante! Trafik i rënduar, mijëra besimtarë ngjiten në Teqenë e Kulmakut! Baba Mondi: Situata në Kabul të na bëjë të reflektojmë

TAG:
• pelegrinazhi
• baba mondi
• mali i tomorrit