POP 5

Lajmet më të lexuara të 5 minutave të fundit

Politikë

Ruçi priti Presidentin e Rajonit Molise të Italisë, Donato Toma

Kryetari i Kuvendit Gramoz Ruçi, priti sot Presidentin e Rajonit Molise të Italisë, Donato Toma, i shoqëruar nga Kryetari i Këshillit të Qarkut Tiranë, Aldrin Dalipi.
Ruçi priti Presidentin e Rajonit Molise të Italisë, Donato Toma

Gramoz Ruçi dhe Donato Toma

Kryetari i Kuvendit e uroi Presidetin Toma për zgjedhjen e tij në mars 2018 në këtë detyrë të lartë dhe shprehu kënaqësinë që vizita e tij e parë zyrtare jashtë Italisë zhvillohet në Shqipëri. Italia, ashtu si edhe Europa, po shndërrohen në vende të rajoneve, ku politikat rajonale zenë një vend gjithnjë e më të rëndësishëm në politikat kombëtare, vuri në dukje Ruçi.

Për Shqipërinë, Italia nuk është thjesht një vend fqinj, por një partner i rëndësishëm politik, ekonomik, kulturor dhe diplomatik. Italia ka qenë për shqiptarët imazhi i Europës dhe ka ushqyer për gjysëm shekullin e kaluar endrrën e tyre europiane.Italia është shtëpia e dytë e rreth gjysëm milion shqiptarëve, të cilët kanë ndërtuar atje punën, jetën dhe shkollimin e fëmijëve të tyre.

Italia ka qenë gjithashtu një avokate për procesin e integrimit europian të Shqipërisë.Kryetari i Kuvendit vuri në dukje edhe nevojën e politikave më fleksible e nxitëse të bashkëpunimit ekonomik, tregëtar dhe investimeve italiane në Shqipëri. Nga rreth 5,600 biznese të huaja në Shqipëri, rreth gjysma e tyre janë sipërmarrje italiane. Italia është investitori i katërt i rëndësishëm në Shqipëri, me rreth 11% të totalit të investimeve të huaja gjatë 28 viteve të fundit, thuhet në njoftimin e parlamentit.. Pra, ka një shpërpjestim midis numrit të ndërmarrjeve dhe vëllimit të investimeve. Pjesa më e madhe e tyre janë në fushën e shërbimeve dhe ndoshta investitorët italianëmund tëinkurajohen më shumëdrejt investimeve prodhuese, industriale apo agro-industriale si edhe krjimin e ndërmarrjeve të mesme apo të mëdha në Shqipëri.

Nga ana e tij, Presidenti i Rajonit Molise, Donato Toma, falenderoi Kryetarin e Kuvendit për vlerësimet mbi bashkëpunimin e gjithanshëm italo-shqiptar. Ai e vlerësoi Ruçi për historinë e tij të spikatur politike dhe qëndrimet korrekte politike dhe institucionale, të cilat duhet të shërbejnë si një mësim edhe për politikanët e rinj ose të zgjedhurit trishtasi në politikë. Presidenti Toma premtoi se bashkëpunimi me Shqipërinë do të jetë një prioritet i mandatit të tij.


(Gramoz Ruçi dhe Donato Toma)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46