Ruçi:Shtyrja e zgjedhjeve,destabilizim
bllokon edhe zgjedhjen e Presidentit

Nëse më 18 qershor nuk mbahen zgjedhje atëherë bllokohet edhe zgjedhja e presidentit e për pasojë rrezikohet që vendi të futet në krizë dhe destabilitet.
 
Kështu u shpreh nga Fieri kreu i grupit parlamentar të Partisë Socialiste Gramoz Ruçi.

‘’Sovrani shqiptar nuk do krizë e para, dhe e dyta që populli shqiptar nuk do destabilitet. E treta populli shqiptar do të ushtrojë të drejtën e tij kushtetuese, që ia jep Kushtetuta’’,-u shpreh Gramoz Ruçi. 
 
Referuar zërave për shtyrje apo bojkot të zgjedhjeve nga PD, Ruçi u shpreh se Partia Socialiste do të mbetet e hapur për të diskutuar çdo lloj propozimi për përmirërsimin e zgjedhjeve më 18 qershor, por kurrësesi nuk disikutohet datë apo qëndrim tjetër.

‘’Nuk kemi asnjë të drejtë ligjore apo kushtetuese që të diskutojmë datën e zgjedhjeve. Në këtë kuptim çdo subjekt politik e gjen përgjigjen tek Kushtetuta e vendit, që një herë në 4 vite mbahen zgjedhje’’-u shpreh Ruçi.
 
Sipas kreut të grupit të deputetëve socialist, mbajtja e zgjedhjeve është e përcaktuar në Kushtetutë, ndërsa janë specifikuar edhe rastet kur mund të shtyhen.

Redaksia Online
XH.K/Shqiptarja.com

TAG:
• gramoz ruçi