Rrugëtimi i Vjosa Osmanit, nga personi më i votuar në historinë e vendit në presidenten e dytë grua

Për herë të dytë në historinë e vendit, Kosova zgjedh një grua në krye të shtetit. Vjosa Osmani-Sadriu u zgjodh të dielën si presidente e Kosovës, pasi siguroi mbështetjen e 71 deputetëve të Kuvendit të Kosovës.

 Vjosa Osmani, mori pozitën e kreut të shtetit duke qenë personi më I votuar në historinë e vendit me më shumë se 300 000 vota në zgjedhjet e 14 Shkurtit, ndërkohë që më parë ajo ka shërbyer si kryetare e Kuvendit, post i cili për herë të parë iu besua një gruaje.

Dikur aktiviste e Lidhjes Demokratike të Kosovës, më pas nënkryetare dhe deputete e saj në tri legjislatura, Vjosa Osmani ka shërbyer si kryetare e Komisionit për punë të jashtme, diasporë dhe investime strategjike dhe kryetare e Komisionit për integrime evropiane.

Nga gushti i vitit 2006 deri në shtator të vitit 2010, Osmani ka shërbyer si këshilltare e presidentit të Kosovës, Fatmir Sejdiu.

Në vitin 2008, ajo ishte pjesë ekipit ligjor që ka mbrojtur shpalljen e pavarësisë së Kosovës në Gjykatën Ndërkombëtare të Drejtësisë.

Në zgjedhjet e 6 tetorit 2019, Osmani ishte kandidate për kryeministre nga radhët e LDK-Së, zgjedhje ku ajo siguroi 176 mijë vota, duke dalë e dyta më e votuar në Kosovë, pas Albin Kurtit. Pas rrëzimit të qeverisë Kurti nisën dhe përplasjet mes Vjosa Osmanit dhe drejtuesve të  LDK, të cilët çuan në shkarkimin e saj nga të gjitha pozitat drejtuese në këtë parti.

Pas kësaj, nisi një periudhë afrimi mes Vjosa Osmanit dhe ish-kryeministrit, Albin Kurti, që rezultoi me përfshirjen e Osmanit në listën për deputetë të Lëvizjes Vetëvendosje, me një listë të saj të veçantë, nga të cilën rezultuan të zgjedhur 7 deputetë.

Vjosa Osmani ka lindur më 17 maj të vitit 1982 në Mitrovicë dhe është diplomuar për drejtësi në Fakultetin Juridik të Universitetit të Prishtinës. Studimet e nivelit master dhe të doktoraturës për drejtësi, Osmani i ka kryer në Universitetin e Pitsburgut në Shtetet e Bashkuara të Amerikës.

E martua dhe nënë e dy vajzave, Vjosa Osmani synon të frymëzoje një brez të ri tash dhe vajzash për fuqinë që ato kanë dhe ndryshimin që mund të sjellin.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Qytetarët në Maqedoninë e Veriut në protestë, kundër propozimit francez për integrimin në BE: Ultimatum? Jo faleminderit