Rusët thonë se më shumë se 900 luftëtarë ukrainas janë dërguar në një koloni burgu

“Më shumë se 900 luftëtarë ukrainas që ishin izoluar në fabrikën e çelikut në Mariupol në Azovstal janë dërguar në një koloni burgu në territorin e kontrolluar nga Rusia”, ka thënë Moska.

Ukraina urdhëroi trupat atje të tërhiqen si pjesë e një marrëveshjeje të arritur nga të dyja palët, pasi ajo përpiqet të shpëtojë jetën e tyre. Furnizimet me ushqim dhe ujë thuhet se kanë qenë të pakta në fabrikë për disa javë.

Një Zëdhënëse e Ministrisë së Jashtme ruse, Maria Zakharova, tha të mërkurën se 959 personel të shërbimit ukrainas janë dorëzuar që nga e marta.

Prej tyre, 51 po trajtoheshin për lëndimet e tyre dhe pjesa tjetër ishte dërguar në një ish-koloni burgu në qytetin Olenivka në një zonë të kontrolluar nga Rusia të rajonit të Donetsk.

Ministria e Mbrojtjes në Kiev tha se shpresonte për një procedurë shkëmbimi për t’i riatdhesuar sa më shpejt të jetë e mundur.

Fati i tyre mbetet i paqartë, me Zëdhënësin e Kremlinit Dmitry Peskov që refuzon të thotë nëse ata do të trajtohen si kriminelë apo robër lufte.

Ministria e Mbrojtjes e Ukrainës u zotua të bëjë çdo gjë të nevojshme për të shpëtuar ata që janë ende në rrjetin e përhapur të tuneleve dhe bunkerëve nën fabrikën e çelikut, por pranoi se nuk kishte asnjë opsion ushtarak në dispozicion.

Lajmi kryesor:

Mediat ruse: Dorëzohet zv.komandanti i fabrikës së çelikut! E mohon Kievi: Është ende në fabrikë! Shefi shtabit të SHBA-së telefonin homologun rus

S.C/Shqiptarja.com

TAG:
• rusia sulmon ukrainen
• ukraine
• Rusi
• SHBA
• Antony Blinken
• lufta ne ukraine