POP 5

Lajmet më të lexuara të 5 minutave të fundit

Politikë

Rushaj: Qeveria fsheh vendimin
për kontratën me “Crown Agents”

Partia Demokratike ka reaguar sërish për përzgjedhjen e kompanisë “Crown Agents” nga qeveria Rama-Meta, për të kontrolluar shërbimin doganor shqiptar. Rushaj: Rama të përgjigjet pë pyetjet.
Rushaj: Qeveria fsheh vendimin<br />për kontratën me “Crown Agents”
TIRANE- Partia Demokratike ka reaguar sërish për përzgjedhjen e kompanisë “Crown Agents” nga qeveria Rama-Meta, për të kontrolluar shërbimin doganor shqiptar.

Pas një sërë pyetjesh publike drejtuar kryeministri Edi Rama, dy ditë më par,ë lidhur më këtë kontratë, sërish ish-zëvendësministri i Financave, Alfred Rushaj, kërkon përgjigje për këtë çështje.

Në deklaratën e sotme për mediat, ish-zëvendës ministri i Financave, thotë se “qeveria Rama-Meta fsheh publikimin e vendimit të Këshillit të Ministrave, të marrë në mbledhjen e qeverisë së datës 28 tetor”.

“Faqja e Këshillit të Ministrave tregon se çfarë vendimesh kanë marrë në mbledhjen e datës 28 tetor. Janë dy lajme shumë të rëndësishme; e para që z. Basir Çollaku është liruar nga detyra dhe e dyta, Ministrisë së Turizmit i janë shtuar një sërë fondesh. Mungon një lajm, siç duket më pak i rëndësishëm, ai që ka dhënë në menaxhim qeveria shqiptare rreth 130 mld lek, pra 1.3 mld dollarë. Sot kemi të tjera pyetje për z. Rama. Pse e fshihni publikimin e kësaj kontrate? Kur do ja bëni transparente publikut shqiptar, kontratën që keni lidhur? Jemi në pritje të përgjigjes z. Kryeministër”, u shpreh Rushaj.

Ish-zëvendës ministri i Financave ngre edhe një sërë pyetjesh drejtuar kreut të qeverisë, ndërsa shton se ende nuk është dhënë një përgjigje për to.

“Pyetjet që nuk kanë marrë ende përgjigje:
1.       Si është e mundur që ju e keni ditur që përpara se të merrnit postin e kryeministrit, që do të bënit kontratën për një shërbim të tillë pikërisht me “Crown Agents”?
2.       A ju është komunikuar nga zyrtarë të Bashkimit Europian se “Crown Agents” nuk ka përvojën e duhur në krahasim me projektet e BE-së që asistojnë prej kohësh falas doganat shqiptare?

3.       A ju është komunikuar nga zyrtarë të Bashkimit Europian se konsulenti “Crown Agents” është me kosto të lartë?

4.       A ka praktikë ndonjë vend i Bashkimit Europian me “Crown Agents” për një shërbim të ngjashëm dhe nëse po, a është vlerësuar negativisht performanca në këtë fushë?

5.       A është kontrata me “Crown Agents”, arsyeja e vërtetë e nxjerrjes së aktit normativ ku zvogëluat të ardhurat nga doganat dhe rritët borxhin publik?

6.       A do të përfitojë “Crown Agents” nga paratë e shqiptarëve nëse të ardhurat doganore realizohen në nivelin që administrata doganore kishte parashikuar të realizonte vetë?

7.       A e ka përjashtuar Banka Botërore, “Crown Agents” së bashku me të gjitha filialet e saj nga pjesëmarrja për 6 muaj në çdo projekt të Bankës Botërore për shkak se është vërtetuar se ka ndërmarrë praktika mashtruese?"

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

28 Nëntor, 19:40