Në prag të ndeshjes përballë Izraelit, rival direkt për vendin e tretë në eliminatoret e Kampionatit Botëror të Rusisë, trajneri i Shqipërisë Gianni De Biasi shprehet se për një tjetër mrekulli pas kualifikimit në Europian do të jetë shumë e vështirë, pasi në grup janë dy ekipet shumë të forta si Spanja dhe Italia në grupin G.
 
“Është e vështirë të renditemi në vendin e dytë, sepse Spanja dhe Italia kanë më tepër cilësi. 
 
Italia ka lojtarë të fort në mbrojtje me Buffon, Kielinin, Bonuçin e Barzjaljin, nëse rikuperohet maksimalisht edhe Markizio do të jetë një bllok solid i Juventusit që do ti japë më tepër cilësi ekipit.
 
Përsa i takon Shqipërisë, ne nuk duhet të harrojmë kualifikimin në Kampionatin Europian, të luajmë në mënyrë jo egoiste.
 
Izraeli është ndeshja më e rëndësishme për Shqipërinë dhe aty duhet të jemi të përqendruar, pasi rivali ynë direkt për vendin e tretë në grup” tha ai.



dy.b/shqiptarja.com