Rusi 2018, Italia paralajmëron
Spanjën: Kujdes nga Shqipëria

Trajneri Italisë, Giampiero Ventura paralajmëron Spanjën që nuk do ta ketë aspak të lehtë për të marrë pikë përballë Shqipërisë në ndeshjen që do të zhvillojë në 9 Tetor në Shkodër.
 
“Ka ende shumë ndeshje për të luajtur dhe nuk kemi sigurinë që do të shkojmë e të marrim rezultat në fushën e Shqipërisë, ashtu sikur nuk e ka Spanja”deklaroi ai.
 
Përsa i përket ndeshjes përballë Spanjës, tekniku italian vlerësoi kundërshtarin maksimalisht, por theksoi se nuk do të jetë vendimtare, pasi përpara ka edhe shumë ndeshje përpara se të përcaktohet fituesi i grupit që do të shkojë direkt në Rusi.
 
“Spanja është ekipi më i fortë në grup” tha ai.
 
Edhe spanjollët i tremben Shqipërisë në ndeshjen e dytë që do të zhvillojnë në tetor.
 
Lojtari Napolit, Hose Kajehon shprehet se “Italia dhe Shqipëria janë dy kundërshtarë të fortë”.
 
Shqipëria me datë 6 do të ndeshet me Lihteshteinin, ndërsa në 9 me Spanjën në Shkodër.
 

dy.b/shqiptarja.com