/ATSH- DPA /- Rusia ka filluar sot stërvitjen më të madhe ushtarake të vitit me përfshirjen e rreth 95 000 ushtarëve, njoftoi Ministria e Mbrojtjes nëpërmjet një deklarate.
Stërvitja, që mban emrin "Centre-2015", do të vazhdojë deri të dielën, kryesisht në zonën qendrore ushtarake të Rusisë, që përfshin malet Urale dhe Siberinë.
"Disa manovra që kanë të bëjnë me avionët e luftës dhe anijet do të kryhen në zonën evropiane të Rusisë", thuhet në deklaratë.
Bëhet me dije se në stërvitje do të marrin pjesë forcat kazake si pjesë e aleancës ushtarake postsovjetike, Organizata e Traktatit të Sigurisë Kolektive.