Rusia paralajmëron: Gazi mund t’u ndërpritet edhe vendeve të tjera

 

Zëdhënësi i Kremlinit Dmitry Peskov në deklaratë për media ditën e sotme, u shpreh se nuk është e vërtetë që Rusia po përdor furnizimin e gazit si një mënyrë për të shantazhuar shtetet.

Peskov u shpreh se ka një rregull të ri për vendet që kanë vendosur sanksione ndaj Rusisë, për mënyrën e furnizimit me gaz, që do të kryhet vetëm me Rubla, por nuk e bëri të ditur nëse ndonjë vend kishte rënë dakord të paguajë me rubla.

“Kjo nevojë është diktuar nga fakti se, siç e dini, një sasi e konsiderueshme e rezervave tona janë bllokuar. Prandaj, nuk bëhet fjalë për ndonjë shantazh”, tha ai.

BE-ja e bëri sot komentin për shantazh nga Rusia, Presidentja e Komisionit  Europian Ursula von de Leyen u shpreh sot se Moska po e përdor gazin si mjet shantazhi për BE-në, pasi vendosi të ndërpresë furnizimin me gaz për Poloninë dhe Bullgarinë.

 Moska tha se kjo ishte për shkak se ata kishin refuzuar të paguanin në monedhën ruse, rubla.

Lajmi kryesor:

Putin: Nëse Perëndimi ndërhyn në Ukrainë përgjigjemi menjëherë, kemi armë që s'i ka askush! Kievi: Moska po përdor bomba me fosofor në Avdiivka! Guterres nesër takon Zelenskyn

J.GJ./Shqiptarja.com

TAG:
• Rusi
• ukraine
• BE