"Të jemi seriozë! NATO nuk mund të jetë një aleancë në letër. Ajo ose ekziston ose nuk ekziston." Kështu tha Përfaqësuesi i Lartë i BE-së, Josep Borrel, duke iu përgjigjur një pyetjeje në lidhje me deklaratat e Donald Trump pas mbërritjes së tij në takimin e ministrave të BE-së për zhvillim dhe bashkëpunim.
Deklarata e tij erdhi pas komenteve të ish-Presidentin Donald Trump se nuk do të mbronte aleatët e NATO-s që nuk po kontribuojnë mjaftueshëm financiarisht në aleancë, në rast se do të sulmoheshin nga Rusia.
"Në këto kohë, një aleancë ushtarake nuk mund të funksionojë bazuar në disponimin e presidentit të Shteteve të Bashkuara," tha Borrell. “Më lejoni të jem sarkastik: gjatë fushatës zgjedhore do të dëgjojmë shumë gjëra, por nuk kam ndërmend të komentoj të gjitha marrëzitë që do të thuhen”.
Edhe Presidenti Joe Biden i ka cilësuar deklaratat e Donald Trump për NATO-n si “të frikshme dhe të rrezikshme”. “Pranimi i Trump se ai dëshiron t'i japë Putinit dritën jeshile për luftë dhe dhunë të mëtejshme, për të vazhduar sulmin e tij brutal ndaj Ukrainës së lirë dhe për të shtrirë agresionin e tij ndaj popullit të Polonisë dhe shteteve baltike është i tmerrshëm dhe i rrezikshëm" tha ai.
Në një reagim Shtëpia e Bardhë i ka hedhur poshtë komentet e bëra prej ish-presidentit amerikan, madje i ka quajtur të tmerrshme.
Edhe shefi i NATO-s, Jens Stoltenberg përmes një deklarate të dielën tha se "Çdo sugjerim, se aleatët e NATO-s nuk do të mbronin njëri- tjetrin minon sigurinë e të gjithë aleancës dhe vë në rrezik ushtarët amerikanë dhe europianë".
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28
