POP 5

Lajmet më të lexuara të 5 minutave të fundit

Bota

Rusi/Centrali bërthamor lundrues nis rrugën nga Shën Peterburgu në Siberi

I ashtuquajti central bërthamor lundrues u nis nga kantjeri i Shën Peterburgut në drejtim të një baze ruse në Detin Arktik.
Rusi/Centrali bërthamor lundrues nis rrugën nga Shën Peterburgu në Siberi

I ashtuquajti central bërthamor lundrues u nis nga kantjeri i Shën Peterburgut në drejtim të një baze ruse në Detin Arktik. Centrali atomik lundrues “Akademik Lomonsov” i cili u ndërtua në portin e Shën Petersburgut, do të bëjë javët e ardhshme një udhëtim të gjatë nëpër Detin Baltik dhe Detin e Veriut duke kaluar në veri të Norvegjisë deri sa të arrijë në portin e Murmanskut. Aty dy reaktorët e centralit lundrues do të pajisen me mbushje atomike, i tha Pavel Ipatov, përfaqësues i sipërmarrjes së centraleve bërthamorë Rosenergoatom agjencisë së lajmeve Tass. Në Murmansk është e stacionuar pjesa më e madhe e flotës veriore të Rusisë si dhe shumica e nëndetëseve me mbushje bërthamore.

Nga Murmansku anija do të vazhdojë drejt Lindjes së Largët të Rusisë dhe bregdetit të Detit Arktik në zonën e Shukotkës. Aty ajo pritet të nisë funksionimin në vitin 2019. Plani është që centrali atomik lundrues të furnizojë me energji elektrike dhe me ujë të pijshëm punëtorët e impianteve për nxjerrjen e naftës në Detin Arktik. Uji i pijshëm do të përftohet nga një fabrikë për shkripëzimin e ujit të detit.

Po ashtu reaktorët binjakë të centralit atomik lundrues pritet të furnizojnë me energji elektrike deri në 200,000 vetë që jetojnë në qytetin port të Siberisë, në Pevek.

Rëndësi strategjike

Centrali atomik lundrues “Akademik Lomonsov” ka për Rusinë rëndësi strategjike. Rusia synon të sigurojë rezervat e naftës dhe të gazit që supozohen në rajonin e Polit të Veriut. Po ashtu për shkak të shkrirjes së akullit vitet e fundit si pasojë e ngrohjes globale, për Rusinë hapen rrugë dhe itinerare të reja detare në veri të vendit. Pëk këtë shkak Rusia po shton praninë ushtarake në këtë zonë. Edhe SHBA-ja është e interesuar për zonën e Arktikut.

Çernobili i ardhshëm?

Ambientalistët e kritikuan ashpër centralin atomik lundrues dhe thanë se një aksident i tij mund të dëmtojë pjesë të Arktikut. Greenpeace e quajti atë “Çernobil lundrues”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça