POP 5

Lajmet më të lexuara të 5 minutave të fundit

Sport

'Russia 2018', ekipet e mëdha që rrezikojnë në ndeshjet e dyta

Spanja, Portugalia, Argjentina, Brazili, Gjermania dhe Kolumbia janë ekipet më të rrezikuara nëse nuk fitojnë në ndeshjet e dyta në grupet përkatëse.
'Russia 2018', ekipet e mëdha që rrezikojnë në ndeshjet e dyta

Futbollistët Ramos, Myler dhe Neymar

Nisja e disa skuadrave të forta dhe pretendente në Botërorin e Rusisë nuk ishte e mirë dhe tashmë në ndeshjet e dyta rrezikojnë.

Spanja, Portugalia, Argjentina, Brazili, Gjermania dhe Kolumbia janë ekipet më të rrezikuara nëse nuk fitojnë në ndeshjet e dyta në grupet përkatëse.

Kështu, në grupin B është Portugalia dhe Spanja që duhet të fitojnë patjetër sot, përkatësisht ndaj Marokut dhe Iranit. Si Portugalia, ashtu edhe Spanja, morën nga një pikë në ndeshjen e parë, në atë barazim 3-3. Portugalia, në vetmen ndeshje me Marokun në një Kupë Bote, e ka humbur. Ndërsa Spanja ndeshet për herë të parë.

Në pozitë të vështirë është edhe Argjentina, që ndeshjen e dytë e ka me Kroacinë dhe, nëse Messi me shokë nuk fitojnë, kualifikimi është në dyshim. Argjentina nuk mori më shumë se një pikë në sfidën e parë ndaj Islandës, që nëse fiton ndaj Nigerisë, presioni bie mbi Argjentinën.

E njëjta situatë pak a shumë edhe për Brazilin, me ndryshimin që pesë herë kampionët e botës në sfidën e dytë të grupit do të ndeshen me një rival modest, pikërisht Kosta Rikën. Por nëse do të ngecnin ashtu si me Zvicrën, nuk është që Neymar dhe yjet e tjerë të Brazilit të largoheshin shumë shpejt nga Rusi 2018.

Gjermania është skuadra që rrezikon më shumë nga të gjithë pretendentët e Botërorit në ndeshjen e dytë. Pas humbjes me Meksikën, pancerave u duhet patjetër fitorja me Suedinë, ndryshe me shumë mundësi do t’i thonë lamtumirë Kupës së Botës.

Dhe në fund, Kolumbia, që ashtu si Gjermania, ka humbur ndeshjen e parë. Kolumbia do të përballet me Poloninë, të dyja pa asnjë pikë në grup dhe secilës u duhet fitorja. Cila kombëtare e parë e madhe do të eliminohet që në raundin e parë? Kjo mbetet të shikohet kryesisht nga ndeshjet e dyta…

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06