Sa e justifikojnë të ardhurat stilin luksoz të jetesës? Kontrolli i pasurisë së të punësuarve do nis me 100 të paguarit nga lista e rrogave

TIRANË- Kontrollin e pasurisë për të punësuarit qeveria do të nisë me 100 personat më të paguar, që figuruan në listën e pagave publikuar në shkelje të ligjit në dhjetor të 2021-shit.

Report TV mëson se duke filluar nga muaji qershor njësia anti-informalitet do të nisë kontrollin e pasurisë për këta të punësuar, duke vënë në peshore stilin e tyre të jetesës në raport me të ardhurat që ata marrin.

Qeveria do të bashkëpunojë me Drejtorinë e Përgjithshme të Transportit Rrugor dhe Kadastrën shqiptare, për të marrë të dhënat mbi makinat dhe pasuritë, truall e shtëpi që disponojnë personat nën hetimin tatimor. Me këto informacione, do të ngrihet dhe regjistri i Aseteve të tatimpaguesve që do të vë në sitë edhe pasuritë e luajtshme.

Aktualisht, inspektorët tatimorë mund të vlerësojnë individët vetëm kur ka prova të evazionit nga librat dhe regjistrimet ose informacionet e palëve të treta, por me ndryshimin e ligjit për procedurat tatimore, do tu jepet kompetencë e drejtpërdrejtë për ta bërë këtë vlerësim pa indice.

Qeveria ende nuk ka qartësuar se çfarë do të ndodhë nëse nga hetimet, tatimorët dalin në konkluzionin se këta individë nuk i justifikojnë pasuritë me të ardhurat që marrin, megjithatë e mundshme është akuza për evazion fiskal.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tralala zura nje gale: 18/05/2022 19:29

    O Dede te filloje nga ju qe erdhet nga malet dhe u bete me vila dhe makina.

    Përgjigju
  • Dada: 18/05/2022 16:39

    Inspektoret te fillojn nga vetja se bejn jete luksi me makina udhetime

    Përgjigju
  • Sondazhi i ditës:

    Tjetër JO për negociatat nga BE, mendoni se Rama ka të drejtë me gjuhën e ashpër ndaj liderëve të Brukselit?



×

Lajmi i fundit

John

PS takim me shqiptarët në Britani, Gjiknuri: Të angazhuar për votën e emigrantëve! Qeveria mekanizma lehtësues për investimet në Shqipëri