Sa rritet mosha e pensionit nga 1
janari dhe vitet e punës që duhen

TIRANE- Nga 1 janari i vitit të ardhshëm mosha e pensionit do të rritet me 2 muaj. Skema e pensioneve parashikon se mosha rritet me 2 muaj për çdo vit për gratë. Kështu një grua do të dalë në pension në 60 vjeç e 4 muaj. Gjithashtu do të rriten edhe vitet e punës që duhen për të përfituar pensionin e plotë.

Pensioni për gratë
Një grua për të marrë pension të kategorisë së parë (jo i plotë), do ta përfitojë pas moshës 56 vjeç e 6 muaj dhe do t’i duhen 35 vite sigurimi. Për të marrë pension të kategorisë së dytë duhet që çdo grua të ketë mbushur moshën 60 vjeç e 4 muaj, dhe i duhen 35 vite e 8 muaj kontribute, të njëtat kushte duhet të plotësohen edhe për pensionin e kategorisë së tretë.